نرجسية
إبراهيم يحيى الديلمي23 بيت
- 1لوسالتك رد ليش الفـــــــرق شاسع◆بين مفــــــهوم المحــــــبة والأذية
- 2ليش سعرالماس عندالــناس رافعْ◆وانت عندك نازل أســــعاره شوية
- 3ليش قلي ليش قلـــــــــبك مايلامعْ◆ليش روحك غاطسة في النرجسية
- 4ليش حطيت الحـــــواجز والموانعْ◆بيننا تعـــــــــــــــبتني سيره وجيه
- 5طاح منك نجــــم وانهارت صوامعْ◆من أحاسيـــــسك وصارت جاهلية
- 6تذبح الســــلوى بلا سياف اللوامعْ◆والهوى تســــقيه من كاس المنية
- 7يا شغف مجنـــون ماعنده مراجعْ◆خيمت فيه النوايا المفــــــــــترية
- 8لي معك قصة وللقـــــــصة وقايعْ◆لك بطولتها ونا فيـــــــها الضحية
- 9شفتها من شاشة أحلامك مقاطعْ◆طولها عامين والثـــــــــالث بقية
- 10شوف أنا أحبك ولو قلبك مخادعْ◆وأنت فيني بس مجهـول الهوية
- 11تلبس أوهامك وتخلــعها مواجعْ◆بعدما تخلص فصول المسرحية
- 12لو سألتك رد يكفـــــــيني فجايعْ◆مستحيلك قهر والا عنجـــهية ؟
- 13آه منك آه شردت الشـــــــوارعْ◆في متاهات الخطوط الهنـدسية
- 14والحكاية جاوزت حد المـطامعْ◆للأسف صارت حكاية منتــهية
- 15أنت واحد بس كم عندك براقعْ◆كم عيونك والوجيه المختــفية
- 16فعلك الماضي حسب فهمك مضارعْ◆ليش ما تعقل وتفهــــمها كذية
- 17يا وليف الغدر دوخت المدامعْ◆غير أطباعك وبحبــحها شوية
- 18جوهر الإنسان في معـناك ضايعْ◆والحلا كله محـــــــاسن جوهرية
- 19لا تراوغ شوف بصمات الأصابعْ◆تكشفك يا ضد خــــسران القضية
- 20ماتحيرني ونا ساجــــــــد وراكعْ◆خاضع(ن) لله وافكاري نقــــــية
- 21ماتعذبني ونا بالصـــــــــبر قانعْ◆ماني بطامع برتبة عســــــكرية
- 22وش تبي مني أنا ماني براجـــعْ◆روح واتركني أنا جالـــس هنية
- 23روح وأن لاقيت لدروبك مسامعْ◆قلها غابت شمــــوس الشاعرية