غرورك عذالي
يوسف بن عقيل8 بيت
- 1غروك عذالي وقالوا اني لعهد الحب ناسي◆خلوك تجفيني وتبعد وتصير بعد الود قاسي
- 2وأنا الذي ضحيت انكرتني واجزيت◆قلبي الجفا والبين .. وين الوفا وين
- 3نسيت ياخلي دلالي◆وأمرك على عيني ورأسي
- 4وأرخصت لأجلك كل غالي◆وأرواك صافي الحب كاسي
- 5غليت وتعاليت وهجرتني ورميت◆ودي بغمضة عين .. وين الوفا وين
- 6مسكين قلبي كم يعاني◆نوحة بصدري هد بأسي
- 7يرثاه كل قاصي وداني◆عاشق و في حبك يقاسي
- 8أشتاقلك وبكيت وأحن لك وأقفيت◆والدمع على الخدين .. وين الوفا وين