تلمست لك عذر
ياسر التويجري10 بيت
- 1تلمّست لك عذر وتأملت بك ميعاد◆من العام واقدامي على الدرب دوّاجه
- 2اجي من هنا وانتي تروحين بي من غاد◆تـِقل ما خـلق ربي مواعـيد ومـواجه
- 3ولا حنّ لك قلبٍ ولا غصن فرعك ماد◆ولا ارخصتي الدمعه وهي ملح وهماجه
- 4ابسلبك من يمكـن وبحـاول وما فاد◆وابذخرك لظـروف المـواعيد والحاجه
- 5وابتليك لين إني!! واجهاد عليك جهاد◆إذا آصلْك وإلا دونك الموت وخلاجه
- 6لك من السعه عين ومن الحاجبين حِداد◆أنا وين أوديني عن الرمش وحجاجه
- 7ولا انتي من اللي يظهر بحسنها الاضداد◆ولا عـينك النـجـلا تبي كحل ودعاجـه
- 8يصوت بك المخطر على الروس والاشهاد◆عليك العـوض كانك تمـنيـن بـعـلاجه
- 9حـرام إننا نقضـي على بعضنا بعناد◆متـايـيـه في بحـرٍ تلاطـم بنا امواجه
- 10إذا احتجت يا قلبي على الظلع الاطول ناد◆على واحدٍ عـرض السمـوات محـتاجـه