العيون السود
ياسر التويجري11 بيت
- 1انا لولا الغلا هو والمحبه والعيون السود◆ماجيتك من قِصاي وقلت لك عاشق يا مغترة
- 2وانا احبك ومن قلبي احب وماني بمحدود◆ولو اني ما احبك كان ليه ازعل واتشره
- 3تمايلتي زعل ولا تثنيتي يا غُصن العود◆أنا ما ارخصك لو إنك تزعّلتي ميه مرة
- 4تعدي للسحاب وخُذي النجمة من العنقود◆وخلي للسهر غير الدموع صدور مستره
- 5وخلي للحرير الي على متنك لاهبت نود◆مساحة يكسي الارض بجديلة والسِما غره
- 6تمشي بين صفحات الوجيه البيض ولا السود◆وتسامي لين ما يبقى بحسادك ولا ذرة
- 7تعدي كل مِن يرجي التفاتاتك بكل برود◆وخليهم مباليق العيون وجيه مفتره
- 8ابيك بكل ما ربي عطاك من الحلا والزود◆وابي كلّك وابي قلبك وابي خيره وابي شرّه
- 9قضى عمري وانا واقف على باب الرجا الموصود◆واخاف اني ما عاد اقدِر اصبّر نفسي الحِرّة
- 10غيابك لعنبو هذا الغايب اللي ما منه فود◆كسر حجر الضلوع وضيّق الخاطر ولا سرّه
- 11طلبتك لا تخلين العواذل تكِثر المنقود◆انا مضطر وطباع العواذل حيل مضطرة