مجروح قلبي
هزاع بن سلطان ال نهيان10 بيت
- 1مجروح قلبي منك مجروح◆يالزين وانته كيف مرتاح
- 2انوح ليلي و ليلي ينوح◆وانته تغني الليل بافراح
- 3غير الشقى ما نلت مربوح◆منك الجروح وثاق وصحاح
- 4يا من وهبته القلب والروح◆شلي غنمته عقب الجراح
- 5لاول هوانا انس ومزوح◆واليوم اشوف الود ينزاح
- 6حبك تلاها في بحر نوح◆راح الوفى والوقت فضاح
- 7مالك محب غيري يا مملوح◆حتى ولو أسقوك الاقراح
- 8عني تروح وعنك ماروح◆حبي بدمك سار واجتاح
- 9مسموح دربك وانت مسموح◆ما جادلك بالحظ لي راح
- 10تكبر هموم الحب في روح◆وتنسى المحبه بعض الارواح