سيد الجيل
نواف بن فيصل8 بيت
- 1اقوم من ليل واصبح على ليل◆وما ادري النهار اللي يقولون وينه
- 2مشغلني اللي مشغل البال بالحيل◆واخفت شعاع الشمس غرة جبينه
- 3المترف اللي لاعني بالمظاليل◆واطبق جفونه بين عيني وبينه
- 4لاجله تحديت البشر والذي قيل◆ولاجله نذرت العمر واغلي سنينه
- 5طرياه في شعري وصوت المواويل◆واكيد عشاق السهر سامعينه
- 6وذكراه في بالي وكل التفاصيل◆هو بحري المواج وانا السفينه
- 7اموت به واموت به سيد الجيل◆ويفداه عذال الهوي وحاسدينه
- 8خذو النهار وقضبوني يد الليل◆مادام ليلي ساكن وسط عينه