بصبر على فرقاكم
نهيان بن زايد ال نهيان6 بيت
- 1بصبر على فرقاكم مهما تمر سنين◆اتخيل محياكم يحبيبي في العين
- 2سبحان من انشاكم ومكملك بالزين◆قلب العنا يهواكم ياناس ياناسين
- 3افرح انا بلقياكم وانتوا علي قاسين◆وابكي على لاماكم وايام مرت وين
- 4القلب يبغي رضاكم مجروح به جرحين◆جرح الجفا وفرقاكم وجرح نزف الحين
- 5الله ياذكراكم على العيون تبين◆ياليت بس شفناكم نتعاتب الاثنين
- 6وان مر بي طرواكم اصغي شرا مصلين◆باقي على لقياكم ياليت يوم تبين