خطا نفسى
منصور الشادى8 بيت
- 1خطا نفسي على نفسي وأنا إللي جبتك لنفسي◆وأنا نفسي عزيزة كم وكم ذليتها وياك
- 2أنا نفسي معك تصبح وهي بالليل ما تمسي◆أحب أسهر على شانك لأني بالسهر ألقاك
- 3عجزت أنساك يا ناسي وأنا إللي صرت أنا المنسي◆وأعرفك ما اتناساني وأنا مقدر بعد أنساك
- 4لنا الله يا حبيبي ليه وكل مالك علي تقسي◆وأنا إللي قلت هالدنيا ولا تسوى أثر لخطاك
- 5رجعت لماضي الخلان أدور طيفك بأمسي◆عساي ألقى من الماضي بقايا طاري لذكراك
- 6وأثاري طيفك بعيني وفي صوتي وفي همسي◆ولا منه طرى اسمك كفخ قلبي لك ولبّاك
- 7ولو تقسى ليالينا أنا وياك ما نقسي◆يكفي كل ما جاني وروحي فدوة لرضاك
- 8أعاتب نفسي بنفسي أنا إللي جبتك لنفسي◆أنا نفسي عزيزه هم ولو تنسى أنا ما أنساك