زرا زير البراري
مظفر النواب32 بيت
- العصر:
- العصر الحديث
- 1حن وأنا حن◆و انحبس ونة ونمتحن
- 2مرخوص بس كت الدمع◆شرط الدمع حد الجفن
- 3جفنك جنح فراشة غض◆و احجاره جفني و ما غمض
- 4يالتمشي بيا للنبض◆روحي على روحك تنسحن
- 5حن بويه حن◆حن عمي حن ...
- 6عيونك زرازير البراري◆بكل فرحها بكل نشاطها
- 7جناحها بعالي السحر◆و الروح مني
- 8ما وصل ليها الندى◆و لا جاسها بقطرة المطر
- 9وصفولي عنك يالنباعي تفيض◆و تعليت ليلة ويا القمر
- 10وصفولي عنك كل مسامة تفيض منك عطر◆يالحسنك نهر..
- 11تنزل بصدري ويا النفس◆و بدمي غصبن تنعجن
- 12و أشهق و اصعدك للسما◆بحسرات و بعنة حزن
- 13حن.. حن بوي حن◆شفافك ولا كولن ورد .....
- 14عنابه معكودة عكد◆تمتلي بكد ما تنمرد
- 15لا هي دفو ولا هي برد◆أنا بوصفها راح اجن
- 16سكتاتك تشكل خواطر بالقلب ...◆مالي عرف بيهم كبل
- 17مبروم برم الخياط يا ريان◆و الخوصر خصر لف العقل
- 18كل كلمة منك ...◆نبعة البردين .. بالدلال ...
- 19ما تحمل ثكل◆وصفولي عنك
- 20وردة من قداح ريش جناح◆زاهي بالسحر
- 21شال منك غيظ بستان الورد◆والنرجس الرايج سكر
- 22حنو طواريز ولحن ...◆و حنة حمامات السجن
- 23حنة إلي ...◆و حنة إلك ...
- 24واللي يعجبه خلي يحن◆آنه من أشوفك
- 25يمتلي الماضي الجدب◆زهرات بيض من الوفه
- 26وروحي سواجي من الحنين تصير◆وأتنبه وكت بيها غفه
- 27يا محجل إن مريت بيه ردود◆أرد أردود بالعشرين ....
- 28من عمر الجفه◆وأنصف عمر منك
- 29فما أنصفت إلا بالهجر ...◆والهجر منك ما كفه
- 30حتى الهجر يا روحي◆منك ما كفه
- 31وكلبي عله هجرك دوم يحن◆وأنحبس ونه ...
- 32
مجبور أرخصك على الدمع