جرس عطله ..! (باللهجة عراقية)
مظفر النواب23 بيت
- العصر:
- العصر الحديث
- 1مالَه أحٌد شغُل بيه.. جرس عطله◆حيل أدكَ نوبات وحدي !!
- 2أبجي وحدي .. أحجي وحدي◆آخذ المدرسه عُرض إبطول وحدي
- 3أطفه وحدي بلايه أحٌد وأشتعل◆جرس منٌي وبيٌه وحدي أشتُغُل
- 4كَِلتْ أكَضي الظلٌنْ إمن أيامي◆إمنْ الشباج عالدنيه وهلها
- 5ولَنْ بالشبيبيج الكَبالي إتِلَجلَجْ◆كَامَه من بَلوٌر
- 6شِكلَتني إمنْ عيوني شَكِلْ!!◆غَمٌضيتْ إبربع جَفٌي
- 7وبثلثْ ترباع شفت الدنيه مزروعه كُفُر◆مشمش حلو ..
- 8وفَر بيه الخِصِر فرٌة حِجِلْ !!◆صِحِتْ سبحانَك شَكَلٌكْ ؟ ؟
- 9كُفُر .. وجَنٌه .. وشِتا◆وصيف .. وربيع
- 10!! إبجَسَد واحد◆مِنْ سمَعني المشط من إبعيد
- 11إتمَركَص إتمُركَص عالهَوه◆بسْ عضٌة طفل
- 12عَضْ بعَد .. عَض بعد◆يابَعَد روحي
- 13تلفَنتْ للجنٌه من شبٌاجَك الجدٌام بيتي◆وبالغَلَط فَرٌيت رقم النار بيٌه
- 14فُر بعَد .. فُر بعَد◆مالَه أحٌدء شغُلْ بيٌه
- 15جرس عطلَة صيف ومتاني المدارس◆أدِكَ وحدي بلكن إيكَطعَنْ العطله
- 16ويشتِهَن دكَاتْ كَلبي◆كِل كَصيبه إتكَلٌك آنه
- 17وكل خصِر محبَس عرس ويكٌَلٌك إلبَسْ◆وإنته نازع نفسَك إمن إزمان
- 18وتلملم سَكتٌكْ◆جيت للدنيه نزِلْ .. ومسافر ألله وياك
- 19للسلطه نزِلْ◆ياجَرس يالعِشتْ وحدَك
- 20ساكت إمن أيام ماواحد يسمعَكْ◆تعَبْ ؟ ؟ لو مَلٌيتْ
- 21لو رنٌاتك الحلوات◆ماعادَنْ بنات التكي والزعرور يلتَمٌن عليها
- 22ياحسافه ياجرس◆كل ساع رنٌاتك عرس
- 23
بس الوكت كلٌشْ نحس