لو سألني
مطلع الشمس9 بيت
- 1لو سألني عن شعوري عن احاسيسي معاه◆لو سألني عن فؤادي من يحب و منهو فيه
- 2وين اودي ويهي منه لو سألني عن غلاه◆وين اودي ويهي منه دام قلبي ما يبيه
- 3كيف ردي والله مدري يا بلاي و يا بلاه◆اعترفله بالحقيقه ولا اتحايل عليه
- 4حسبي الله يالعواطف وهمتني في هواه◆و المصيبه نبهتني بعد قيدي في ايديه
- 5واقعي صعب و محير بين هم و بين اه◆لو يطاوعني فؤادي بعت غيره و اشتريه
- 6كل ما روضت قلبي كذب القلب و نفاه◆قال هذا غصب عنه بحب غيره مبتليه
- 7من يبدلني بقلب ابتدي فيه الحياه◆اعشقه فيه و احبه و كل عمري يفتديه
- 8مشكله و الحل ضايع مبتداه و منتهاه◆كل ما هديت بالي انتهيه و ما ابتديه
- 9كان ودي بالسعاده للحبيب الي اباه◆بس قلبي له حبيب فيه متمسك يبيه