روحي تحبك
مطلع الشمس8 بيت
- 1روحي تحبـك والغـلا ذابحنّـي◆ودي بشوفك يا حياتـي ولامـاك
- 2حب قديم فـي الضمايـر سكنّـي◆داخل حنايا القلب رسمك وموطاك
- 3أهواك انا ولا حد غيـرك فتنّـي◆لك صادق الإحساس والعمر يفداك
- 4أهواك يا ساكن بفكـري وظنِّـي◆طيفك يشاغلني وادوِّر على رْضاك
- 5اصون حبك بالغـلا لـو محنّـي◆غالي معي يا كبر حبك ومَغْـلاك
- 6إنته وانا والأصـل منّـك ومنّـي◆كل السعاده والأمل فـي محيّـاك
- 7حكم الزمن مبعدك يا زيـن عنّـي◆روح المشاعر تشتكي طول فرقاك
- 8بادر بوصلـك مـا يفيـد التمنّـي◆وانا مقدّر لك ظروفـك وارعـاك