بنت العز
مطلع الشمس13 بيت
- 1أنا بنـت العــــز لي طــبعٍ مفـــنَّد◆عن جميع الخود لي حـزت المعاني
- 2أســمٍ ورســمٍ ولي اخلاق تحمد◆هـامتي في الأرض والعليا مكـاني
- 3بنـت ابــويه وعــزّنا مـــجدٍ مخــلَّد◆ذايــعين الصــيت من قــدرٍ وشاني
- 4لي اخْوِيَا شمَّا كما السيف المهند◆شفّــهم للـعــــز والأوطـــــان باني
- 5والحقــير اللــي على نفــسه تمرَّد◆أحقـــره وما همِّـني واشي وداني
- 6لي حـبيبٍ شهم في قـلبي تسيَّد◆مــالكٍ عــقلي ولا أعــتاض ثــاني
- 7ســيِّدي والقلب في حــبه مقـــيّد◆له محــبه راســخه داخـل كــياني
- 8هو سليل المــجد قــيدومٍ ممــجَّد◆من سلالةْ قــوم وافـين المــعاني
- 9تنــظره عيــني وعـن غــيره تــردَّد◆واحمــد الله يـوم ربِّــي به حباني
- 10والــولا والعـــهد والطــــاعه أجــدد◆للحبيب اللي سكن قلبي وعياني
- 11هو ضـيا عــيوني ولــو يقرب ويبعد◆راضــي بحــبه وهو أغلى الأماني
- 12ومن نظر للشمس كود انّه بيجـهد◆طول عــمره من ليهــبها بايعــاني
- 13ومطلع الشمس اسم..عن غيره تفنَّد◆نايفٍ قــدري وفــي الجـوزا مكاني