قالو اشياء
مشاري ابراهيم9 بيت
- 1من ورائي قالوا أشياء ليه ما انقالت أمامي!◆وش يهم القلب دام اللي حكوا به من وراءه
- 2الدليل اني إلى من جيت فارض احترامي◆من حكى لحظة غيابي صار ما عنده جراءه
- 3شوفني شامخ كريم النفس مترفّع وسامي◆ومن تـرفّع وب سموّه كيف يسمع للدناءه
- 4كل مقام ولـه مقال وذا مقالي في مقامي◆النّـجم مخـلوق عالي مٓا يـتـنازل عن سماءه
- 5ثـابت ومبداي واحـــد والـثريّــا هي مرامي◆مانــي اللــي لا تــبدّل جـوّهــم بـدّل رداءه
- 6بعضهم يسعى ب مكر وراح يبني لانهدامي◆حسبي الله والله أسرع مكر ويهدم له بناءه
- 7أعرف الناس ومعاهم واضح اسلوبي ونظامي◆والتجارب عـلّمتني لـيــن ما حــزت الكفاءه
- 8من كثر بالـوجه مدحه قـلبــه من الغــل حامي◆ومن يخون أكثر حديـثه عن ضميره وبوفاءه
- 9نفسـه اللي في غيــابــي وجّـه اصبع اتّهامي◆نفسه اللي في حضوري هو بيحكم لي براءه