قالو جماله
مساعد الشمراني7 بيت
- 1قالوا جماله كامل الحسن وافي◆شوفه عسى تكتب قصيده جديده
- 2شفته وقلت الله يعين القوافي◆وشلون ابكتب في القصيده قصيده
- 3كل الكلام الزين ماهو بكافي◆والشعر وان مانقصه مايزيده
- 4هذا يخلي برد الاشواق دافي◆والعمر لوهو راح شوفه يعيده
- 5لعيونه امشي الدرب لوكنت حافي◆تحت امر عينه بس يشر بيده
- 6كب الشتى فوقي وشقق لحافي◆علمني انه تاج عصره وسيده
- 7الشعر ضاع وقال رمشه عوافي◆كنه يقول اسكت وفرصه سعيده