مكسبي
مخاوي الليل13 بيت
- 1مكسبي يامسندي حفظ العباده◆والدروب الكايده حدرى وطاتي
- 2خوتي للذيب ماتطلب شهاده◆وانت ياذيب الفيافي صرت ذاتي
- 3انت يابن عبيد شيخ ٍ سيد ساده◆قرم وابن اقروم ياعز اللجاتي
- 4انتم اهل الشور يانعم الافاده◆مكرمين الضيف حيل مبركاتي
- 5وش على العقبان من دبي الجراده◆مايروع الذيب من ترع النباتي
- 6والبهم عرض الغنم يعتاش زاده◆والعصا في يد راعيها سواتي
- 7بعض نبت الارضي مايدفي رماده◆هـش لـو انه جـمـوع محزماتي
- 8وبعض نبت الارضي يستوجب حصاده◆يحرص الفلاح في حـشّـه بتاتي
- 9كل فارس لي تعثر به جواده◆مايخونه ساعده ضد العداتي
- 10والردي قرب له فراش ووساده◆مايشب الضو في ليله يباتي
- 11صبينا صبيٍ عزومي في جهاد◆صبينا فكاك ترفات البناتي
- 12صبينا وقت اللقا يقدح زناده◆اولاد زايد مطعمين الجايعاتي
- 13طيرنا قرناس لاتخشى زهاده◆طيرنا وقت الهدد طلعه ثباتي