لوعتي
مخاوي الليل8 بيت
- 1لوعتي فيك لوعه مالها من مثيل◆جدد الوقت جرحي بين يوم وليله
- 2اه ياحظ جدلي لو بشي قليل◆ماخبرتك كريم مير مافيك حيله
- 3حملي اللي اشيله فوق متني ثقيل◆كل ماجيت احطه عارضتني جميله
- 4ليتها عن هوانا تنتحي للبديل◆كود حالك حبيبي يمي يطلق سبيله
- 5من غلاك افتخر بك واعمل المستحيل◆لو اعاند حياتي خل يعشق خليله
- 6ماعرفت المذله لا ولا انت ذليل◆عزت النفس فينا ياحبيبي حصيله
- 7سالت دموع عينك وانا دمعي يسيل◆حزني اللي غلبني والليالي طويله
- 8وقتي اللي طلبته من واثره بخيل◆شح وقتي ودبر ماعطاني قليله