نايف الطاروق
محمد بن عمار19 بيت
- 1سرى الهاجس وهيّض معه نايف الطاروق◆على اللي هجرني وأشغل البال بفراقه
- 2شكيت السهر والوجد من حرّ، نار الشوق◆ولكن صروف الدهر، للخلق ، سبّاقه
- 3ذكرت الذي لأجله ستار،، الحشا مشقـوق◆ذبحني بهجره ، والحكي صار بشفـاقه
- 4وعندي خبر، إن الهوى ، كاتبه من فوق◆إلـه ٍ كتب آجال ، خلقه ، مع أرزاقه
- 5ترى اللي مثل شرواه ، له مركز ٍ مرموق◆عزيز ٍ وهرجه ، لا نطق ، كله لباقه
- 6بنى له بجوفي منزل ٍ بالحشا مطقوق◆ضلوعي كما الأطناب وصدري له رواقه
- 7قتلني حسين الدل ، بأخلاقه اللي ذوق◆وطرف ٍ كحيل ٍ صفتّ رموشه ، دقاقه
- 8إلي من خزرني طحت في موقفي مصعوق◆خطف ناظري من صفحة الخد برّاقه
- 9وحالي برت واللي بقا دم ! وسط عروق◆برت مثل غصن ٍ مورق ٍ نشفت أوراقه
- 10ضربني برمح ٍ ، إخترق حدّه المعلوق◆تخطىّ ، ضلوع الصدر ، من قوة إطلاقه
- 11ولاعاد دون الموت إلي صرت أنا مخنوق◆سوى الكف أداري به عن الحلق خنّاقه
- 12طلبته .!على وضح النقاء ، كلمة ٍ برفوق◆يبّرر جفاه ، أو يرحم القلب ، بإعتاقه
- 13أنا دايم أخشى ، هرجة العاذل المطفوق◆ومثله صديق المصلحة ، أحذر ، نفاقه
- 14وشيء ٍ طبيعي في دروب الهوى مسبوق◆سبقني الهلالي لاعج الشـوق قد ذاقه
- 15وأعزّي فؤاد ٍ به هموم ٍ ، تسوقه سوق◆على شوفة المحبوب زادت به أشواقه
- 16أنا إن مت ، من شانه ترالي عليه حقوق◆حقوقي عليه ، إنه نقض عهد ميثاقه
- 17عسى مزنة ٍ تسرى، تكاشف رعد وبروق◆مراويح ذعذاع الهوى ، نوّها ساقه
- 18تعل الشعيب ، وينبت الزرع والزملوق◆وتسقي الديار ، وخالق الطير رزّاقه
- 19وهذا سلامي له ، عسى الله يجيب وفوق◆تحية محب ٍ قالها له ، من أعماقه