كأس المشاعـر
محمد بن عمار15 بيت
- 1آآه يا قلبي وش اللي صار فيك وصار فيني◆ما بقالك حظ باللي في غرامك ترتجيه
- 2القوافي عاندتني ، والغلا ، مشعل حنيني◆زود شوق ٍ للحبايب في خفوقي محتويه
- 3الحبيبة طبعها قاسي ، وعيّا لا يليني◆والوفاء ، والحب فيها طبع ، قلبي مرتضيه
- 4الغلا له في معاليق الحشا ، سر ٍ دفيني◆ذكرياته في حياتي ، مالها وصف وشبيه
- 5قلت أنا مفتون فتنة !! فيك ربي مبتليني◆قالت اللي فيك فينا ، وما شكيته نشتكيه
- 6قلت أنا شاري وفادي من بحبه مفتد يني◆ق الت وحنـّا كذ لك ،، من فدانا نفتد يه
- 7قلت أنا داخل على الله فكيّ قيدي إتركيني◆قالت وقلب ٍ يحبك ويش أسوي بس فيه
- 8قلت أنا قلبك نسي عهد المحبة من سنيني◆قالت لساني يقوله ، وإلا قلبي ، مانسيه
- 9قلت أنا وش مقصدك من هالعذاب تعذبيني◆قالت إسكت لاتكلم ! هرج ماصخ مانبيه
- 10قلت أنا والله ماآبي ، شوفة اللي ما يبيني◆قالت الظاهر بديناا.؟ الغلط ، لاتبتديه
- 11قلت يابنت الحلال الوقت من عمري ثميني◆قالت إحسب كم يكلّف وقت عمرك وأشتريه
- 12أشتريه بدم قلبي ، وأحفظه في موق عيني◆وأسّكبه كأس ٍ لحبك ،، المشاعر ترتويه
- 13قلت عمري ..! مايقّدّ ر بالثمن ، للطيبيني◆بس أنا ، مهديه رمز ٍ للي قلبي مهتويه
- 14قالت عيوني وما املك ، فدوة اللي مهتويني◆الحبيب اللي غرامي ، في حياته مبتليه
- 15وأرخص بحالي ومالي وكل عمري له رهيني◆قلت أناالــ ..! وطالعتني واغمزت قالت لي إيه