عابر سبيل
محمد بن عمار15 بيت
- 1البكاء مافاد عيني لوبكت◆والصبر مافاد في قلبي العليل
- 2عبرةٍ من داخل أعماقي شكت◆الشعور اللي بوجداني قتيل
- 3لوأبا أخفيها عن العالم بدت◆بالنواظر دمعتي أكبر دليل
- 4أشغلت بالي تفاكير سرت◆مع فضاء الأحلام والماضي الجميل
- 5تستعيد اللي من أيام مضت◆عهدنا اللي صادق ماله مثيل
- 6وعيني اللي من سهرها ماقوت◆تهتني بالنوم لو وقت قليل
- 7من هواجيس بفكري ماهدت◆في الهيام اللي وصوله مستحيل
- 8ماقويت أنسى هواها لو نست◆حبها في القلب ما أرضى له بديل
- 9إملكتني يوم في حبي وفت◆وإحتوت قلب لعشرتها يميل
- 10بادلتني الحب ،، وبالغالي شرت◆خاطري مدعوجة الطرف الكحيل
- 11يوم هي في الناس ماغيري هوت◆ومارضت بأحد لها قبلي خليل
- 12في مرابع خافقي منها نبت◆روضة لأغصانها ظل ظليل
- 13من ينابيع الحشا فيني روت◆صافي الإخلاص والحب الأصيل
- 14قلت ياترف القدم حالي برت◆إلحقيني مفات من قبل الرحيل
- 15دام في صدري مساحات فضت◆إسكني وأصير أنا عابر سبيل