صباح الذوق
محمد بن عمار17 بيت
- 1صباح النور ياورد ٍ زما في غصنه الممدود◆صباح النسمة اللي في شذاها ريحة الجوري
- 2صباح الفل ياغصن ٍ تلاعب به هبوب النود◆صباح الحب يابدر ٍ زها ، من شدًة النوري
- 3صباح الطير إذا غـرّد بلحنه ، والعباد رقود◆صباح المهرة اللي تنعسف والشعرمنثوري
- 4صباح الذوق ، يا طلعت رضيع ٍ توها مولود◆تغـشّاها بوجنتها ، جمال الزين والحوري
- 5صباح الورد ياقطرة ندى حطت على العنقود◆وهّلت دمعها فوق أخضر الأوراق معصوري
- 6صباح الخير ياشمس ٍ بدت بين الغيوم السود◆كما عذراءً زهت بحجابها والجسم مستوري
- 7أنا، جيتك وأنا ، كلي ولـه بالخافق الموعود◆بتعذيب الفراق ، وكلمتين ٍ تجرح شعوري
- 8أبا أصبّح عليك ، بريحة الكادي ودهن العود◆صباح ٍ بالذهب في صفحة التاريخ محفوري
- 9أروّض قلبي اللي في غرامك باذل ٍ مجهود◆وأهّدي ثايرالعبرة ، حسب عرفي ومقدوري
- 10كفاني ماجرالي ، من تباريح الغلا المجحود◆سهر ليل وشقا عين وطوال الوقت مقهوري
- 11على هاللي حصل واللي بيحصل من عذابي زود◆أقول إن الصبر طيب ولوهو زاد مخسوري
- 12فراقك هم .! تبكيه العيون ، وخافق ٍ ملهود◆وقربك عيد إلى منه حصل لي صرت مسروري
- 13عذابي من عيون ٍ رمشها في حده المحدود◆أشوف الموت إذاأغضت داخل النظرات محشوري
- 14ألا، يافتنة العشاق ...! آية ، ربي المعبود◆تجلت صـنعته ، وأثني عليه الحمد مشكوري
- 15أحبك .! يشهد الله والليالي ، والنجوم شهود◆أخاف الحب يظهرني ، إلامن زاد عن طوري
- 16عليّه حلف .؟ لوشافك غرير ٍفي المهد ممهود◆نطق لك ، يذكرالله .! من جمال ٍٍفيه مبهوري
- 17ولوشافك قمر شوال ليلة عيده ، المعهود◆يغيب ..! ويجبر العالم تصوم اليوم بالزوري