رحيق الذات
محمد بن عمار18 بيت
- 1توقظ هاجس أفكاري يذكّرني زمان ٍفات◆يـصّورلي لـيال ٍ فـي الـحقيقة كنت ناسيها
- 2جلست أراجع الذكرى على ماشفت من حسرات◆من أيام الطفولة عقلي الباطن يقاسيها
- 3أحاول أزرع البسمه ،، بـثغر ٍيلفظ الونات◆عـلى آمـال ٍ بـقلبي قـد توفت مع أمانيها
- 4زرعـتك فـي شـفاه ٍناشفه من قلة لبسمات◆لأجـل تـحيا عـروق ٍ مـيت ٍ إحساسها فيها
- 5دفـنت آمـالي بـصدري بعد ماماتت بلحظات◆وواسـيت الـمشاعر مـرسل ٍ فـكري يعزيها
- 6أغـالط نـفسي بنفسي وأقول إن الأمل مامات◆ولي عـشرين عـام ٍ صدمته مازلت أعانيها
- 7رسـمتك واجهة مستقبل ٍ إغتالته طعنات◆جحودك ، والهجر خصلة ، بطبعك ما أدانيها
- 8فـرشتي الـهم في جوفي وغطيتيه بالزفرات◆تـوسدتي الـخفوق وخـافي الـونة صنعتيها
- 9وأشعلتي لهيب العد في وسط الحشا شمعات◆خـذتي نـورهن والـنار فـي قلبي تركتيها
- 10بذرتك بالصدر زهرة تغذى من رحيق الذات◆وجففت الموارد بالعروق وصرت اراعيها
- 11أخذتي من خلاصة صحتي ماطاب من ميزات◆وتـركتي لي جـروح ٍ غايره إحترت أداويها
- 12تناسيت الجروح وقلت أباأفتح للأمل صفحات◆ولـكن سـيرة الـفرقا مـع أفـكاري تباريها
- 13لمحت النور في وجهك شعاع ٍ غاشي النظرات◆ورمـش ٍ واقـف ٍ دون العيون السود حاميها
- 14شهقت وقلت لك عمري خذيه وهاتي العبرات◆أبا أبكي وألمح البسمات في الوجنة مواريها
- 15ولوإن الـفرح ماقد تكرّم في العمر ساعات◆ولـكن قـلت أبا أصنع فرحة ٍ لعيونك أهديها
- 16عـزفتك بـاللحن موّال ، وغـنيتك مع الأبيات◆كـتبت بـحبر مـن دمي ، قـصيدة لك أغنيها
- 17ومن بحرك طويت شراعي وسلمّت للموجات◆تـقاذف لين يـرسي مركبي بأبعد شواطيها
- 18وأنا ماأملك دليل اللي تسوينه ولا إثبات◆سـوى قـلب ٍ يحبك ، والشهادة جاحد ٍ فيها