الغريق
محمد بن عمار15 بيت
- 1يـاجماعة عـطوني رايكم في غريق◆طـاح في غبّة بحورالهوى والغرام
- 2عـذبّه مركبه والبحر يصفق صفيق◆سـاعة ٍغاب فيها النور وحلّ الظلام
- 3يزبد الموج وبصوته فحيح وشهيق◆يحسب اني أباارفع رايتي للسلام
- 4قمت أنادي وحلقي جفْ مافيه ريق◆ليه ! غدّار، باللي في أمانك ينام
- 5يـاجماعة عطوني الرأي علم ٍ وثيق◆كـان فـي الناس مثلي واحد ٍمايلام
- 6الـشكاوي عـلى الله كلما حل ّضيق◆يـفرج الهم والضيقة ويجلى الغمام
- 7مـن ينزّل مقامه ، عند من لا يليق◆يـنتقص مـنه قدره عند ناس ٍغشام
- 8شـور ياللي على باقي حياتك شفيق◆لاتـنزّل مـقامك وأنت عالي المقام
- 9عـاشراللي ثـبت أصله،بجذر ٍعريق◆واللي جذره بسطح الماء فعرفه عدام
- 10خـل عـنك المشاعر والفؤاد الرقيق◆لايـغرّك بـلحن القول وعذب الكلام
- 11يـبتسم لك بوجه ٍ في بشاشة صديق◆وفـي عيونه إلا لدّت،حراب وسهام
- 12بك يرحب وهو من شوفتك مستضيق◆ودّه إنـه يـدّس السمّ لك في الطعام
- 13يـبرق بوجنته ، سيف الخيانة بريق◆وريـحة الـغدر ! تظهرلو تلثّم لثام
- 14مـاحد ٍ ايـتقيّد عقب ما،، هو طليق◆ومـاحد ٍ غـازي ٍغزوة ، بليّا مرام
- 15لازم إنـه مـفكرّ لـه ،، بفكر ٍعميق◆ودارس ٍ الـعواقب بالوفاء ، والتمام