الأحلام الوردية
محمد بن عمار15 بيت
- 1رحت أشوفه وشوقي شايله في يدي◆والأمـاني تـصّورلي مـصافح يده
- 2صـرت أعد الثواني وأنتظر موعدي◆خـايف ٍ مااشوف الزين في موعده
- 3كـانت أحلام وردية ،، تجي وتغدي◆عـزتي لـلذي ،، يـومه شبيه لغده
- 4آتـقلب ! طـوال الليل ، في مرقدي◆وماهقيت ،، إن طيفي ، زاره بمرقده
- 5الـتهب في فؤادي ،، شعلة ٍ توقدي◆والـمشاعر بصدري ،، نارها موقده
- 6شاقني ضافي ٍ !!! مجدوله مجعّدي◆قـرنه أشـقر، على الأمتان ومجعّده
- 7آتـقرّب ! وهو ، من شوفتي يبعدي◆كـيف ؟ مـن هو يوده ،لاقرب يبعده
- 8إشـهدي يانجوم الليل ، ثم إشهدي◆كـان لي ذنب ؟ فالتاريخ ، بيشهده
- 9إشـهدي إن حظي في المحبة ردي◆مـثل مـن حظه لدرب الهلاك أورده
- 10ياخسارة عقب هالشوق ضاع جهدي◆وقـلبي الـلي تـعلق فيه زاد جهده
- 11مـن بـداية كلامي واضح ٍ مقصدي◆ومـن طريقة جوابه بان لي مقصده
- 12قـلت حـبك ( لأبن عمار ) متسيّدي◆قـال وحبك ، ملك قلبي ، ومتسيّده
- 13قلت أنا في الشدايد ، أنتخي بولدي◆والـرجل ، مـايخلّد ذكـره إلا ولده
- 14قـال حـنا عن الفزعات ، ماننشدي◆لا لـفانا ،عـريب ، الأصل ماننشده
- 15وأنت شكلك غريب وعاشق ٍ يابعدي◆قـلت أنـا إلـحق اللي هايم ٍ يابعده