أزرق الدمع بعيوني
محمد بن عمار20 بيت
- 1يانظرعيني علامك ما تحنيّن المعنىّ◆متعب ٍ نفسي ورجلي كل يوم ٍ بالتعنيّ
- 2أسهرالليل ، آتوجد ، وآتعبر، وآتمنىّ◆آآآه يا وقت ٍ قضيته بالتوجد ، والتمنيّ
- 3أزرق الدمع بعيوني كيف بأرقد وآتهنىّ◆ما هقيت اللي يحبك ، يرقد الليل متهنيّ
- 4حبنااللي من قديم العهد أنا وأنتي دفناّ◆إكتشفت إنه هواللي في غرامك قد دفنيّ
- 5لعن أبوحيّك .! خيالي ما تبلا ّك وتجنىّ◆مثل ما طيفك بلاني ، بالمشقة والتجنيّ
- 6كلمامريت ، قلتي وش علامك تمتحناّ◆وأنتي ما والله غيرك في حياتي ممتحنيّ
- 7ليت ربي ماجمعني بك على حب ٍ سجناّ◆لكن أستاهل مدام اخترت لي حب ٍ سجنيّ
- 8الهوى يالغاوية مشمول به إنس ٍ وجناّ◆وأنتي الظاهرغرامك ساكن ٍ في قلب جنيّ
- 9بس أناشاعر ونظمي في القصايد ما يثنىّ◆دام منطوقي سليم ٍوش يخليني أثنيّّ
- 10قالت إن كانك على ما قلت لك بالشعرفنا◆عطني ألغاز ٍمن أشعارك وأنا أوريك فنيّ
- 11قلت أنا ماذا بعلمي ، كان علمك ، فيه إناّ◆إبتدي بالهرج ،وخليّ قولة ٍ إنك و إنيّ
- 12وأنا بيني وبين نفسي عقب يوم القلب حناّ◆ودي ابدأ بالكلام،اللي له العاشق يحنيّ
- 13قالت أبا أنشدك عن شئ ٍ إذا شلته يونـاّ◆وإن تركته من يدك بالأرض يسكت مايونيّ
- 14قلت أنا بأقول حلـّه ، جازم ٍ ماهوبظنـاّ◆هذي القـُلـّة ، من الفخّار ، إذا ماخاب ظنيّ
- 15لكن أبا أنشدك عن طير ٍ على كفي يتثنىّ◆دايما ً أداعبه وأطرب إلى صار متثنيّ
- 16طار ليله من يديني .! والنهار أقبل وغناّ◆قالت أعرف حلها ، لكن نبي شاعر يغنيّ
- 17قلت نقعد ننتظر..! أحد ٍ يجي فينا ومناّ◆قالت اسكت تدري ماغيرك أحد فيني ومنيّ
- 18قلت هذي لعبة إبليس الأمر بايدينه تسنىّ◆يضحك بوجه البشر ! وهو لمبراته يسنيّ
- 19آآآآه ياقلب العنا ، وش جاك ماعد بك تأنىّّ◆وأنا خبري بك ثقيل ٍ ، بالتصرف ومتأنيّ
- 20أشتكي وأدخل على الله من ظروف ٍ لعوزناّ◆ومن تصاريف الزمن اللي بعمري لعوزنيّ