أدري ومدري
محمد بن عمار19 بيت
- 1مدري الشوق صادق يوم داعب غلاك◆مدري إنه أمل يكذب مع العاطفة
- 2مدري طول النوى والبعد زوّد قساك◆مدري أطـباعنا في الحب متخالفة
- 3مـدري ألحق بقايا ، مابقى من هواك◆مـدري إن الـظروف بـدربنا واقفه
- 4مـدري النور نور الكون وإلا،ضياك◆مدري الشمس من نورك بدت كاسفه
- 5مـدري الذوق هذا ، ناتج ٍ من حلاك◆مدري إنه ثقل ، وإلا أنتي وش شايفه
- 6مـدري أسبح مع التيار وأمشي معاك◆مـدري أقـاوم أمواج ،الغلا الجارفه
- 7مـدري أستسلم لحبك وأساير رضاك◆مـدري أحارب أوهام الجفا العاصفة
- 8أدري تـحلّق أفكاري، بواسع فضاك◆وأدري أسـابق أحلام الهوى الزايفه
- 9أدري إنـك شقا ، قلب ٍ تعذبّ وجاك◆وأدري إنـك سـبايب حالي الناحفه
- 10أدري إنـك ملكتي القلب والله عطاك◆وأدري إنـك عـزيزة شيمتك ، نايفه
- 11أدري إنـك على خبري عساني فداك◆وأدري إنـك تعيشين الهوى وعارفه
- 12أدري إنـك شتاي ، ومستجير بدفاك◆وأدري إنـك ربـيع أشجاري الوارفه
- 13أدري إنـي أموت لبسمة ٍ من شفاك◆وأدري إنـي أذوب بـنظرة ٍ خـاطفه
- 14أدري إنـي أعسف القاف لك ياملاك◆وأدري الـشعر بـحر ٍ له يدي غارفه
- 15أدري إنـي حكاية حب عشت بخفاك◆وأدري إنـي أمـاني عـمرك الهادفه
- 16أدري إنـي عـليل ٍ مرتمي في حماك◆وادري إنـي رهـين ، الدمعة الذارفه
- 17أدري نـي صـويب ٍ ماحصلي دواك◆وأدري إنـي أسـير جروحك النازفه
- 18أدري إنـي قـتيل ٍ في مجاهل فناك◆وأدري السهم ماأخطى وأنتي الحاذفه
- 19أدري إنـي خـسرت العمر كله وراك◆وأدري الـعذر طـبعا ً ، قولتك آسفه