بركان المشاعر
محمد بن عمار15 بيت
- 1ثار بركان المشاعرعقب ما شفت الحنان◆والحمم نار ٍ بصدري إنصهر منها الشعور
- 2وأصهلت خيل القصايد والنظم للقاف زان◆وإبتدت في ساحة المعنى رحى أفكاري تدور
- 3قلت ياريم الفلا في مدحك إن جاد البيان◆فالمحاسن مع خصالك ، ما تكفيّها السطور
- 4فيك ميزات ٍ تنافس ، لابسات الطيلسان◆والتواضع بك تمثـّل ، في غيابك ، والحضور
- 5وفيك شارات لملاك ٍ ساكنة بأعلى الجنان◆والكِبـِرحاشاك عن دربه وعن مشي السفور
- 6نظرتك معنى الرضا لو مانطقتي باللسان◆وبسمتك ، نبضة وفاء ، للي فقد طعم السرور
- 7لوتكرّمتي وكفك ، صافحت ، كف الزمان◆إنقطع ، طوق الليالي ، وإنتثر، عقد الشهور
- 8خطوة أقدامك إذا داست على جدب المكان◆تنبت آثار القدم ، من وطيتك ، ورد ، وزهور
- 9وإنحنت لك ، هامة العـزة ، بكل الإمتنان◆وأشرقت شمسك ، وأظلم عقب نورك كل نور
- 10أنتي للعمر الأمل ، لو ما وصل برّ الأمان◆وأنتي له طوق النجاة إذا غرق وسط البحور
- 11حالي ومالي ، وقلبي ، رهن إشارة بالبنان◆مرخص ٍ الروح ، لأجل رضاك ، يابدر البدور
- 12ارحمي منهو تعرّض ، في غيابك ، للهوان◆وروفيّ ، لقلب الجريح اللي على بُعدك صبور
- 13ماحد ٍ غيرك بها لدنيا لها الخفـّاق ، لان◆دربي ودربك سوا، إلى إنقطع جسر العبور
- 14اللطافة في سماء طبعـك ، تحلق بإتزان◆وتنثر ، مزون المحبة ، نوّهـا ، رشـّة عطور
- 15والحباري لو ترى حسنك ، تعدّن ، العنان◆وقرنس الطير اللي ريشه بادي ٍ بأول ظهور