خطاك
محمد بن سلطان ال نهيان8 بيت
- 1يامن على قلبي حكم ... بلحب امرني وحكم◆قد قيل في امثال و حكم ... ما للمحبة من طبيب
- 2لعيون اصوغ العبر ... وودادك فى دمى عبر◆طاف الزمان ولا عبر ... باتم يالغالى قريب
- 3يابو التدلل والحلا ... ماغيرك بعينى حلا◆ياما حلا ياما حلا ... ان جابك الله فى النصيب
- 4تخطى واعدى لك خطاك ... وخطاى تمشى مع خطاك◆والشر ياعمرى خطاك ... عساك تبقى لى حبيب
- 5ماهو انا اللي انهب ... بس انت ناهبنى نهب◆شروات ماسوت نهب ...فى السبق فى الشوط الصعيب
- 6اطير بجناح الهوى ... واصادف اعصار الهوى◆مهوي وانا ذوقى هوى ... ازيد فوق الطيب طيب
- 7يامر على روحى امر ... امشى على دربه وامر◆اصعب من فراقه امر ... اعيش فى قربه غريب
- 8مااقول عنه الا ونعم ... ارجوك يارب النعم◆اطلبه ويقلي نعم ... ويكون لى قسمه ونصيب