ياهاجري
محمد بن راشد آل مكتوم9 بيت
- 1ليش العتاب وانت الذي دومك معي في خاطري◆يا صاحب الليل الذي إذا تحدّرْ تمنعه
- 2في مهجتي من كلْمتك أوهام حلم شاعر◆ما اقدر على وصفه ولا أقدر بأنّي أمنعه
- 3غَنّي معي قولي إلي عندك صناعة ساحر◆وانته على ما تشتهي قولٍ تودّه تسمعه
- 4قلبي ترى ما يحكمه منظر غَزالٍ نافر◆لو كان وصله صاحبي من دون ذنبٍ يقطعه
- 5يا هاجري، أحلى الصور عندي بقت يا هاجري◆يتبَعْك قلبٍ صاحبه من حبكم ما هو معَه
- 6من هو يساعدني على حَظٍ ردي عاثرِ◆ما هقوتي اللّه يغيّر لى فؤادي ضَيّعه
- 7فيك السّحرِ منْك الغلا كلّه بدا في ناظري◆عَيّت عيوني كّلما زوله تبدّى تشبعَه
- 8أرعى البروق أشوفها ماضي وطلعة حاضرِ◆بَراّق من صوبك بدا وانا ونوقي نتبعَه
- 9عيونك اللّي شقوتي، تقول أنّك آسري◆يا آسري بعد الضّرر لا ما أريد المنفعه