تدلل على ما تبي
محمد بن ابراهيم البراهيم12 بيت
- 1تدلل على ما تبي يا الحبيب◆مدامك من احباب قلبك قريب
- 2ولاهو ابد يا حبيبي غريب◆نشوف المحبه عطا من عطاك
- 3احبك ولو لوعوني عليك◆وامري غدا من يدي في يديك
- 4ابيع البشر كلهم واشتريك◆ويبقى الهوى يا حبيبي فداك
- 5ابيع الخفوق اذا يعجبك◆وعن كل عين ٍ سواي احجبك
- 6يا اعذب من الماء وما اعذبك◆عذبت وصلي وانا في رجاك
- 7انا صاحبك والهوى صاحبك◆تحبه ولو صاحبه راح بك
- 8ولو ما نطق صابه صاحبك◆تعال لخفوق ٍ تعب واشتراك
- 9حبيبي اجيلك على ما تبي◆ولو رمش عينك سبايني سبي
- 10وحطيت لك في خفوقي ظبي◆وليلة ذكرتك جفل من غلاك
- 11حبيبي فداك العذارى جميع◆بدونك يضيق البراح الوسيع
- 12وقلبك لا رحت عنه يضيع◆وهذي المحبه عطا من عطاك