ليت الهوى ما كان
محمد الناصر السويلم7 بيت
- 1ليت الهوى ما كان .. بالصد والهجران◆ومفارق الخلان .. عله من العلل
- 2يا ناس انا مجروح .. والروح مالي روح◆ودي حبيب الروح .. يرضى من الزعل
- 3قلبي على المحبوب .. يااهل الهوى متعوب◆اللي جرى مكتوب .. واللي حصل حصل
- 4العين غمزتين .. والوجه وجهٍ زين◆يعطيك لونٍ زين .. على كم شكل
- 5كل الملاحه فيه .. عسى الله يعافيه◆ومن الحيىّ اللي فيه .. تراه يفتشل
- 6ممنون انا ممنون .. ولشوفته مفتون◆وسرنا المكنون .. وأخذ معه فصل
- 7يااهل الطرب لاباس .. امضوا على القرطاس◆والعود والمرواس .. ملزوم يشتغل