يوسفي الحلا
محمد الغرير8 بيت
- 1تنقّ مِن هالحكي ماجاز لك واختَر◆دامك مهيْمِن على قلبي واشواقي
- 2واترك عذولك وغِيد(ن) منك لو تِحتَر◆اللي تحسْدك وهُم ماشافَوا الباقي
- 3واكبدي اللي غَدَا مِن صدّتك مِمتَرّ◆الله يَخلِف عليّ لو تنوي فراقي
- 4ميّاس قَدك والا مِن جيت تِتبختَر◆بين الترقّب وشُوق وهقوة الهاقي
- 5يحقّ لك لو تُموق بحسنِك وتِغترّ◆مستفرد(ن) بالحَلا كلّه عَن الباقي
- 6الرؤوس والله ترى مِن طلّتك تِفترّ◆يا يُوسفيّ الحلا مِير الله الواقي
- 7ليّاك تكفى بطاري الودّ تِستهتِر◆والقاك دالِه وابتِل هالعُمر شاقي
- 8يالله بجاهِك عليّ مِن الوَله تَستِر◆دوّرت غيرك ومثلِك ماني بِلاقي