سر الاعجاب
محمد البراهيم9 بيت
- 1قالت وش اكثر شي يعجبك فيني◆قلت بصراحه كل مافيك جذاب
- 2اسمك ورسمك والشعر والجبيني◆وعيونك وصوتك وخذك والاهداب
- 3قالت تبالغ قلت لا صدقيني◆ترى وصوفك مابها شي ينعاب
- 4ما كنك الا الليل للعاشقين◆وما كنك الا الوصل مابين لقراب
- 5كلك على بعضك كذا تعجبيني◆وفي كل يوم لك يزداد لاعجاب
- 6يا شمس عمري يا دفاي وحنيني◆جيتك حروف الحب وعيونك كتاب
- 7بالحيل احبك يا رجاوي سنيني◆وحبك فتح للعاطفه كل لابواب
- 8احساسي الصادق معك يحتويني◆واحساسي لغيرك من الناس كذاب
- 9عمر الغرام ان طال بينك وبيني◆لا تساليني يوم عن سر لاعجاب