يقول من عدى
محمد الاحمد السديري18 بيت
- 1يقول من عدى◆يقول من عدى على راس عالي
- 2رجم طويل يذهله كل قرناس◆ذي راس مرجوم عسيرالمنالي
- 3تلعب بهاالارياح مع كل نسناس◆في مهمه كفرمن الناس خالي
- 4أشتاق له من حس في القلب هوجاس◆قعت في راســـه وحيــد لحــالي
- 5كأني براس الرجم مذبوح الـــراس◆مذكر في مرقبي وش جرالي
- 6وصفقت في الكفين يأس على يأس◆أخــذت أعد أيامها والليالي
- 7دنيا تقلب ما عرفنا لها قياس◆كم فرقت ما بين غالي وغالي
- 8لو شفت منها ربح ترجع للافلاس◆تقطعك دنيا ما لها أول وتالي
- 9لو أضحكت للغبن تقرع بالاجراس◆ما هو بلجات الهواجيس غطاس
- 10ما هو بمثلي مشكلاته جلالي◆أزريت أسجلهن بحبر وقرطاس
- 11حملي ثقيل وشايله بحتمالي◆وأرسي كما ترسي رواس الجبال
- 12ولا يشتكي ضلع عليها القدم داس◆مالي مشاريه على نادي الناس
- 13لعل قصر ما يجيله ظلالي◆والبوم في تالي هدامه يلالي
- 14لا صار ما هو مذهلا للرجالي◆وملجاء لمن هو يشكي الظيم والباس
- 15حسناك يا منشي حقوق الخيالي◆يا خالق أجناس ويا مفني أجناس
- 16متى تربع دارنا والمفالي◆تخضر فياض عقب ما هي بيباس
- 17ونشوف فيه الديدحان متوالي◆مثل الرعاف بالخصر مدقوق الالعاس
- 18ينثر على البيداء سواة الزوالي◆يشرق حمارة شرقة الصبغ بالكاس