يقول من بايات فكره تكلم
محمد الأحمد السديري17 بيت
- 1يقول من بايات فكره تكلم◆ايات مصدرها خفي الضماير
- 2ان دك بي داكوك قمت اتعزم◆اخفيه لو أنه على الروح جاير
- 3اخفيه عن ماكان لو هو ولد عم◆لاقابلٍ شوره ولا هو بشاير
- 4اخاف أبوح السر ثم اتندم◆ويـدري بسري السر باير
- 5الناس بلوى الناس بالحكي تظلم◆وبعض الصغاير يجعلونه كباير
- 6كم قالةٍ بالحكي قامت تعظم◆كبرت ولو هي من صغار الصغاير
- 7تلفح وعند ولادها ينثر الدم◆ويلفحك من حامي هواها سعاير
- 8تالد كسوب وبين الأشرار تتوم◆تتوم باتلاها تجر الجراير
- 9واليا ندهني واحدٍ قلت له سم◆بالطيب قلبي ماتمهل يخاير
- 10ياما على الشدات نصبر ونجزم◆ان ضيعت بعض الرجال البصاير
- 11ان قامت الاريا تفرق وتلتم◆لاضائعٍ رائي ولا نيب حاير
- 12وان كان بعض الناس بالضيق تهتم◆امشي بدربي بأوسط الضيق ساير
- 13وان شفت من هو من زمانه تهضم◆قلت الهظايم للعذاري براير
- 14وان شفت ميلات الزمان وتضخم◆بالعزم هو والحزم شفت البشاير
- 15احدٍ بفعل الطيب يذكر ويحشم◆واحدٍ عن الطولات حاير وخاير
- 16لعل بيته بين الأبيات يهدم◆يابعد فرق الناس كافر ومسلم
- 17
تخيروا يامدورين الذخاير