ملحمه عكـاظ
محمد الأحمد السديري193 بيت
- 1غنت الورقا على خضر الغصون◆وأسهرتني والزواهر ساريات
- 2ولعت قلبي وأنا قلبي حزين◆هـاج فكري والحمام مغردات
- 3من سببهن عفت لذّات المنام◆ساهرٍ وعيون غيري نايمات
- 4جـددن اجروح قلب المستهام◆أتعذب والقميري ساجعات
- 5سارحاتٍ لاعباتٍ بالفنون◆هازجاتٍ في طربهن دالهات
- 6بالترنم بينهن ورق الحمام◆حركن مني اشجونٍ خافيات
- 7حركن قلبٍ سبح وسط الغرام◆هـام ببحور الغرام الهايجات
- 8هايمٍ مشتاق شوقه من قديم◆مستكنٍ بالضلوع المغلقات
- 9أتذكر مـن له فؤادي خفق◆فر من بين الضلوع المهدفات
- 10في كلام الحب جاوبت الحمام◆وأستلجن وأستمرن شاديات
- 11ذكرني شـاردٍ فـاق الظباء◆أهيف الخصرين سيد الراتعات
- 12قالو انـه ساكنٍ وادي ثقيف◆أدعـج العينين بسفوح السرات
- 13هزني الشوق على شوف الحبيب◆مني الآفكار يمه شاردات
- 14حلقن بأفاق ميدان الهوى◆يـم من يهواه قلبي سابحات
- 15جيت أدور من سبا عقلي هواه◆بالشفايا والعيون الناعسات
- 16يوسفي الحسن ممشوق القوام◆جادلٍ في وصفها مثل المهات
- 17جـادلٍ جـدد اجروح بالفؤاد◆صايباتٍ جارحاتٍ داميات
- 18خافياتٍ مزمناتٍ موجعات◆مستقراتٍ بقلبي ساكنات
- 19يوم أشوف الزول والعنق الطويل◆الله اكبر والقرون مجدلات
- 20مثل شرطان الذهب شقر الجعود◆خلقة الله فوق جسمه ضافيات
- 21فاتن وأغـواه ريعان الشباب◆والرموش بحاجبيه مركزات
- 22خصرها ضامر ومهضومٍ حشاه◆بين أشافيها نظيم أمجوهرات
- 23أن تبسم في شفاياه وضحك◆صفقن ليحان صدري هاتفات
- 24من فيافي نجد جيت أرض الحجاز◆مـن ديارٍ نبتها زين النبات
- 25عانين من نجد ميدان المهار◆غابت أليوث الحرب الكاسرات
- 26من اديار نبتها شيح وعرار◆والشقارا والزهور اليانعات
- 27والبختري والنفل هو والجعد◆والخزاما والزهور المنورات
- 28زاهـر الحنوه وزهر القيحوان◆مثل نظم أعقود خودن حافلات
- 29به أطيور الروض غنن بالفنون◆بالترنم غـارقاتٍ آمنات
- 30البراعم كـل ماهب النسيم◆مايلاتٍ بالتهزع راقصات
- 31اليهق والربل يطرب كل عين◆والشقارا والسليح بناظرات
- 32ريحهن وان هب ذعذاع النسيم◆ينعش أرواحٍ لريحه عاشقات
- 33كن نظم ازهورها وسط الرياض◆الجواهر في رقاب الغانيلت
- 34عللتهن في ربا نجد المزون◆ناشياتٍ مرعداتٍ ممطرات
- 35غادياتٍ رايحاتٍ مرضيات◆مسبلاتٍ في مطرهن مغدقات
- 36حـافلاتٍ مثقلاتٍ هاملات◆منوراتٍ بالبروق الضاحكات
- 37لاقـحاتٍ مغنياتٍ حـاردات◆شامخاتٍ شاحناتٍ حافلات
- 38شارباتٍ من بحور ومن شطوط◆والصبا هبت لهن بالملقحات
- 39ساقهن ربٍ على عرشه عظيم◆من بحر جوده برفقٍ دافقات
- 40كن ودق المزن من فوق الحزوم◆المكاين بالصحايف كاتبات
- 41كن طفاح الطها بيض الخيام◆بالمشاعر يوم تسع مشاهدات
- 42أرعفن بالكوثر العذب الطهور◆من مزونٍ في سماهن مسبلات
- 43ناشياتٍ من دخل فصل الخريف◆تسعة أشهر فوق نجد مخيلات
- 44أتـسلا بالسراب وبالفجوج◆ريحة العشب فيها منعشات
- 45عانين من نجد ملجا المستريب◆مـن زبنها ما تجيه النايبات
- 46عانين من شامخٍ مجده قديم◆من طويق العز شرقٍ من مرات
- 47مشمخراتٍ اخشومه للسحاب◆مثل سلات السيوف المصلتات
- 48عانين من نجد ساحات الندى◆جيت من ميدان خيلٍ مكرمات
- 49عانين من نجد مدهال الاسود◆فـي ذرا وادي حنيفه مرعبات
- 50مرعبينٍ العدو يوم الحروب◆وللصديق وجارهم عز وغنات
- 51شيدو للمجد بين العالمين◆يوم بعض الناس في نومٍ سبات
- 52ديـرةٍ في ربعها عنتر سكن◆وبـن كلثوم مروِ المرهفات
- 53مـع كليب وحاتم بحر الكرم◆من سكن للجود فوق النايفات
- 54ديـرةٍ أحيا بها عبد العزيز◆ذكـرياتٍ للفخار أمدونات
- 55جدد افعول الاسود اللي مضت◆ثمن احياها وهي كانت رفات
- 56عبقري ماعلى البيدى مشى◆مثله الا من نطق بالمرسلات
- 57هزبر الغابات ليث من ليوث◆صارمٍ حطم أحدود الصارمات
- 58تغلبين من نسل شسيبان جال◆والكتايب بالسلاح امدججات
- 59يافعن هام المعالى من نشا◆خاض غبات البحور الطاميات
- 60بدر كل الشرق من شرقه طلع◆ضاح وانور بالليالي الحالكات
- 61وانجلت عنه الكواكب كلها◆والبدور مـن المهابه آفلات
- 62لـم شمل الجزيرة منتشر◆وحـد الحضر المقيمه والبدات
- 63النساء ما خلفن مثله عديم◆بالسنين الحاضره والفايتات
- 64من بحر جده الى شط الخليج◆البنود بمجد عـزه لايحات
- 65والنظا والخيل من ربع الجنوب◆في ربا هضبة عنازه مشرفات
- 66جال بأجوى الكون صقرٍ من صقور◆وأخلدت كل الطيور الجارحات
- 67فرخ شامٍ صاقرٍ كل الطيور◆. الصقور الاولـه والتاليات
- 68بالفعايل لو يقوسون الحرار◆طولهن عن طول شبره قاصرات
- 69ضف ريشه من مقره بالكويت◆وأصطفق وأرعب جميع الطايرات
- 70خاف من سطوات فعله كل طير◆نزلن بالقاع عنه موقعات
- 71مطلبه للعز والمجد التليد◆يـوم غيره لاهين بالمخردات
- 72وأدرك العليا بعد ضرب السيوف◆كم روس في لحاهن طايحات
- 73عقب خوضه للمعارك بالحروب◆شرب صافي الماء بعد شرب الصرات
- 74في نهارٍ فيه ضهره مثل ليل◆به عجاج الخيل غطا الشاهقات
- 75كن رجد الخيل مع غط الصهيل◆الـزلازل والرعود الصاعقات
- 76فوقهن كل أبلجٍ عين عديم◆ملجماتٍ جاهزاتٍ واثبات
- 77حاجبن الشمس نقع العاديات◆والمدافع هازجاتٍ مرزمات
- 78زادها ضرب الهواتر والرماح◆والبنادق شاحناتٍ مفرغات
- 79ويـن قطاع الفيافي والفجوج◆النضا والخيل عقبه مهملات
- 80جيت للمبعوث وأقفت المسير◆شرقي العرفا ذكرت الماضيات
- 81ماشيٍ بأطلال أجيالٍ خلت◆دارسـاتٍ موحشاتٍ خاويات
- 82أسأل الأطلال وين أهل البيان◆وين من سنوا طريق المكرمات
- 83ياعكاظ العرب ميدان الادب◆يامزار أهل المهار الصافنات
- 84يامزار أهل الرجوله والحسب◆ياعرين الليوث الضاريات
- 85يامواطن نخبة المجد الرفيع◆يامقر أهـل البنود الخافيات
- 86يامنابر مصدر الشعر البديع◆مفردات الشعر منهم خالدات
- 87يامناخ الهجن عجلات الفديد◆يـامداجٍ للمهار المرهمات
- 88فوقهن صيد يضدون الحريب◆بالرماح وبالسيوف القاطعات
- 89فـوق قـبٍ يعربياتٍ اعجال◆عادياتٍ بالمعارك ضابحات
- 90في ظهور العيس جوها من بعيد◆يقطعون افجوج نجد الموحشات
- 91مـا يهابون الفيافي والخروم◆والمخاطر والديار الناحيات
- 92مـن ديار الشام وديار اليمن◆وأهل هجر ومن سكن شط الفرات
- 93وين بكر هو وتغلب مع تميم◆وين ذبيان وعبس أهل القنات
- 94وين حاتم مع بن سلمى زهير◆ويـن رايات الفخار الشامخات
- 95وين أمرئ القيس مع فارس زبيد◆انشدو عنهم أقبورٍ مظلمات
- 96وين غطفان وهوزان مع قريش◆وين قيس أهل السيوف الماضيات
- 97وين قيس وين من صاغ البيان◆مـن نطق بالبينات الباقيات
- 98وين عنتر وين طرفه مع لبيد◆وين بن كلثوم عز الناخيات
- 99وين الاعشى وين نابغة العرب◆وأخت صخر اللي تقول المعجزات
- 100وين حفل الازد أهل سمر الرماح◆أصلهم في شامخ العربا ثبات
- 101وين الاقرع مع بن عبد المدان◆حكموهم بالامور المعضلات
- 102من فحول الشعر سادات الادب◆علقو بالبيت عشر معلقات
- 103بالتفاق بين سـادات عظام◆سنو الاشهر عليهم حارمات
- 104أشهرٍ حـرم أكيدٍ سجلت◆بالعهود المحكمات البينات
- 105أشهرٍ بأيامهن حقن الدماء◆لاحـروب ولا مهارٍ مسرجات
- 106ثبتوا فيها طـراف وشيدوا◆قبة حمرا محط الظامرات
- 107كـل ما مريت رسم أديارهم◆عاودتني عبرةٍ عقب الثبات
- 108عاودتني عبرةٍ بأقصى الحشا◆والدموع من المدامع سايحات
- 109هيضت لواعجٍ وسط الفواد◆المنازل والرسوم الدارسات
- 110ياحماة العرب يانسل الكرام◆ياشبابٍ قـد تحلوا بالصفات
- 111يارجانا فـي ملمات الكروب◆أنتم أفـلاذ الكبود الغاليات
- 112أنتم الآمـال يانور العرين◆ياحمات أوطانكم والمحصنات
- 113ياشباب العرب وان حمي الوطيس◆ياسيوفاً للشدايد مغمدات
- 114قولةٍ بلكى عسى هذا يصير◆مـا يخلص للديون المرسمات
- 115ما يخلص دينكم كود الفعال◆في نهارٍ فيه ضرب القاذفات
- 116أبعثوا ذكرى هل الفعل الجميل◆راكبين العيس هي والعاديات
- 117أبعثوا بـالله ذكرى جدودكم◆أبعثو بـالله بيناتٍ واضحات
- 118أبعثوا ذكرى صناديد مضت◆أسمعوهم والمسامع مصغيات
- 119أسمعوهم صيحةٍ وسط الهضاب◆اللهضـاب بالأقصى مطرقات
- 120مطرقاتٍ شاهدن ذل وهوان◆شاهدن قهرٍ تذوب اله الصفات
- 121صخرةٍ بالقدس تنخى الفاتحين◆هلت العبرات منها جاريات
- 122صخرة المعراج تنخى الطيبين◆وين جيش الزحف قاسين القناة
- 123اليتاما دمعهم فوق الصدور◆فاقدين ابوانهم والأمهات
- 124يصرخون بصرخة الحر الحزين◆صرخةٍ منها الجبال مجلجلات
- 125صرخةٍ ادما صداها للقلوب◆عن نماهن أذهلت للمرضعات
- 126صرخةٍ من هولها جظ الحطيم◆والمشاعر كلهن امزمجرات
- 127يندبن العرب لاولى القبلتين◆لطخةٍ بالعار بيدين الجنات
- 128فاقدين كـل شـىء بالوجود◆والثكالا وسـط يافا عاريات
- 129العدو يسومهن سوم العذاب◆من سبب ماصار والله باكيات
- 130مالهن في وسط موطنهن قرار◆بالنياحة والتهضم سامرات
- 131عذبوهن بالسياط وبالحديد◆بالسجون مكبلاتٍ غاضبات
- 132عند صلفين اليهود الضالين◆خافضاتٍ روسهن وحاسرات
- 133هاضمين حقهن بين الآنام◆حسروهن عقب ماهن مترفات
- 134لاحـلال ولابـيوت ولاذرى◆لاصديق ولاعوين تايهات
- 135لاحليم ولاقريب ولاشفيق◆هالكاتٍ بالفيافي معدمات
- 136شردوهن عقب ماهن في نعيم◆ياحمات اديارهن مستضعفات
- 137ساكناتٍ بالجبال وبالكهوف◆مبعداتٍ بايساتٍ نايحات
- 138يطلبن الثأر يانسل الكرام◆من نطق بالضاد يمه صارخات
- 139مـن تجبر ضدهن بأوطانهن◆نـازحاتٍ نادباتٍ ناحلات
- 140ياولي العرش يالرب الكريم◆يـا إلـه شاهدن المنكرات
- 141أبعدوهن عـن مواطن حيهن◆نازحاتٍ عن وطنهن مرغمات
- 142مستغيثاتٍ بزفرات العبار◆كاشفاتٍ للوجيه الشاحبات
- 143حرقن أدموعهن ورد الخدود◆من شراب الذل والله شاربات
- 144هدموا لبيوتهن عقب العذاب◆يمسحن ادموعهن الذارفات
- 145ذللوهن عذبوهن بالسياط◆بالتوجد والتهظم زافـرات
- 146شاهدن لبيوتهن عقب العمار◆صـارت انقاض هدامٍ جاثيات
- 147يصفقن بكفوفهن سمر الخدود◆مـن أدمي أخوانهن مخضبات
- 148عرضن لصدورهن زرق الحراب◆هن وطلقات الرصاص القاتلات
- 149القهر والغبن يبكي كل عين◆والهضايم شيبت بالجاهلات
- 150في رحاب القدس أيضاً والخليل◆فـي رباهن شيدوا مستعمرات
- 151كـم شبابٍ بالسجون مصفدين◆دونهم أبـواب ظلم مقفلات
- 152اطلبو للثار ياشبال الأسود◆كان ما أخذتوه فضلو الممات
- 153الكرامه مـا يعادلها عديل◆كان خدشت حرموا باقي الحيات
- 154بالقبور أبوانكم تنخا الشباب◆أنتم أحفاد الصناديد الكمات
- 155خيلهم بالعز بأيام الحروب◆فـي ميادين المعارك جايلات
- 156أن نشدت وقلت وأبديت الصحيح◆فلتة الدنيا جنوب مغرزات
- 157ياشباب العرب بأيام الكروب◆ياذرانا بلامور المعضلات
- 158شمروا للمجد بأيام الخطوب◆أبعثوا سوقٍ مضى له ذكريات
- 159جددوا ذكرى عكاظ بما مضى◆واعلنوها للوفود السامعات
- 160سجلوا فيها الفخار وطهروا ا◆لشرف يوم الاسنه شارعات
- 161معركة ذي قار خاضوا حربها◆بالعوالي والسيوف المشهرات
- 162وأبعدو عارٍ على النعمان صار◆أبـعدوه وبـعدوا للعيبات
- 163به تساموا للفخر يوم النزال◆حلقوا للمجد فوق الحايمات
- 164بالجزيرة مايهابون المنون◆ثابتين كالجبال الراسيات
- 165خيل قحطان وعدنان جميع◆معركة ذى قار فيها سابحات
- 166سبلوا للمعركه صف اعجال◆ممتطين للمهار السابقات
- 167لين رب الخلق علام الغيوب◆خـالق الارواح رب الكائنات
- 168أنـزل آياته على سيد البشر◆أنبأه بأقراء على رغم العدات
- 169ثم شع النور في شرق العرب◆وأشرقت شمس الفضيله بالصلات
- 170هبوا الانصار للخطب العظيم◆مع رسول الحق للعالم هدات
- 171أحدقوا بالمصطفى سيد الآنام◆كالاسود الكاسرات الفاتكات
- 172وانتشر ديـن العداله للورا شاع◆واهتزت عروشٍ للطغات
- 173وأنذهل كسرى وجيش الروم خار◆من كتايب من سعوا للصالحات
- 174عصبة محمد هل الفعل الجميل◆يطلبون المد فوق الجامحات
- 175خيلهم بالشرق والغرب البعيد◆للجحافل بالمعارك خايضات
- 176مرهماتٍ هاجماتٍ جايلات◆في سبيل الحق ما تخشى الملام
- 177كم هدو من عروشٍ هايلات◆الصحابه بالعوالي والسيوف
- 178أخمدوا نيران قومٍ مشعلات◆أبن ابي وقاص هو وبن الوليد
- 179كـم تحدو للصناديد العصات◆قادوا جيوش الصحابه بالحروب
- 180طـاعـةٍ لله رب الصافنات◆طاعةٍ للي بعث طه رسول
- 181مكنوا بالضد روس الباترات◆رسخوا بسيوفهم دين الحنيف
- 182فـي كلامي يشهدن القارات◆من رقاب الروم بالحرب العوان
- 183ينثرن الـدم بحدود الظبات◆وأحمد الله لابتي يوم النزال
- 184مـا يهابون المنايا الواردات◆للفخر والجود في وادي العقيق
- 185نازلين والجفان مشرعات◆ضيفهم والجار يلقى ما يريد
- 186في رحاب المجد ماجاهم شنات◆هـم بني زايد و هود جدهم
- 187بـينٍ تاريخهم بالمعجمات◆مـن جـدار الجار أدو جارهم
- 188والفضايل بالفعايل شاهدات◆كل فعلٍ صار يظهر له دليل
- 189ما جرى بالكون تبديه الروات◆قلتها فـي ديرةٍ قفر فياح
- 190شرق من صاره شمال مجفلات◆أتجلد كـل ما غنا الحمام
- 191وأتـذكر للأمور الفايتات◆أتذكر كل شىء قد مضى
- 192وأتوجد والتوجد به شمات◆وأزعج الآهات من فرط الأسى
- 193
ساهرٍ يوم الزواهر ساريات