حل الفرقا
محمد الأحمد السديري16 بيت
- 1يا عمير شفت من المخاليق مخلوق◆ونقض جروح بالضماير عتاقي
- 2واصبحت قلبي بين الاضلاع مسروق◆سباه طفل من طوال العناقي
- 3تله بعسر وناعم العود مطفوق◆ومن سبته يا عمير ظن عتاقي
- 4ما هوب مليان ولا هوب نقنوق◆بعيون طراد الغنادير لاقي
- 5خلا ضميري عن خفاياه مفتوق◆حي كشف سدى ومكن وثاقي
- 6بالود هداني ولا باقني بوق◆والود هدا مصعبات النياقي
- 7اقفا يهز الجسم والجسم ممشوق◆مثل الرطيب اللي على جال ساقي
- 8اقفا وقلبي شاح له تقل مسيوق◆ونهيت قلبي مرتين وتاقي
- 9اقفا وانا ما ادرك من الهرج منطوق◆وما ادري متى يرجع نهار التلاقي
- 10اقفا ود مع العين يمطر من الموق◆دمع جرى من نونها باندفاقي
- 11وحل الفراق وحن عاشق لمعشوق◆الله لا يجزي نهار الفراقي
- 12قالو تعرفه قلت في عنقه الطوق◆طفل ثمانه بالمبيسم لهاقي
- 13عز الله اني شفت من سبته عوق◆ونجض على قلبي ثلاث العراقي
- 14وحنيت له حنة خلوج من النوق◆وكثر عنا قلبي وزاد اشتياقي
- 15وبقيت عقبه حاير تقل ما سوق◆والاربيط مبهم بالحلاقي
- 16مر الهوا ذقته وانا قبل مسبوق◆لاشك انا خفت البحور الفراقي