شىء فظيع
محمد ابو يوسف19 بيت
- 1إنك فى كل مره تنهزم وتقول بديع◆إنك تفرط ف التراب وبعدين تغنى للوطن
- 2وترمى البرىء وتقول عميل◆وانت عمال تفرط أو تبيع
- 3إنك تدمر لقتصاد◆وتسيب كلابك دايره تقتل ف العباد
- 4إنك تموت حلمنا◆إن اللى حاصل ده يبقى آخرة صبرنا
- 5إنت أيه ما تقول لنا◆إنت شيطان الغوايه
- 6ولا نزناز الخطايا◆قولى كام يكفيك لجل تشفى غلك من دم الضحايا
- 7سرقت يومنا من سنينا◆يا رب أعيتنا الحيل
- 8والأمة عاقر حتى ممنوعه الأمل◆حكام بتقتل والشعوب دايما تطيع
- 9لما تدور ف الزباله عن حبة لقم◆لما المهندس والطبيب هو اللى راميينه بتهم
- 10لما دم المسلمين هو اللى مسفوك ف الحرم◆لما العظام جوا السجون ولما يتحكم جزم
- 11لما الشعوب عايشين قطيع◆لما يبقى للجناه حصن ومنيع
- 12لما البصير إنهارده بيصيبوا العما◆لما نغض الطرف عن هذى الدما
- 13لما نجومنا تتسرق وهى فى حضن السما◆شىء فظيع لما نطبل للجناه
- 14لما نرضى يحكمنا الزناه◆لما ما نهتمش بأنة أو بآه
- 15لما القمر تجرى عيونه بالدموع◆والشمس تطلع غصب عنها
- 16والأرض أنت بالمظالم◆والشعب عايش فى خضوع
- 17يتسرق فكرك◆يتسرق عمرك
- 18يتسرق دينك◆يتسرق قلبك
- 19
حتى مسروقه الحياه