تحيا مصر
محمد ابو يوسف26 بيت
- 1نفسى استهبل واعمل قاضى◆نفسى استهبل زى الجيش
- 2نفسى استهبل زيك مره◆واعمل نفسى ما شايفكيش
- 3نفسى مره لنفسى أعيش◆علشان تحيي تموتى غيرك؟!
- 4واطلب حقى تقولى مفيش◆بيتى ف حارة عطوه الحافى
- 5وقصر الباشا ع الكورنيش◆مطلوب منى دايما أضحى
- 6علشان برضو الباشا يعيش◆ضحيت عمرى عشان السيسى
- 7وعمرى التانى هياخدو مميش◆بشوف ف الرؤيا ريس مدنى
- 8وكل اما اصحى القى شاويش◆يسرق مصر وينهب خيرها
- 9ويقولى اخرس احنا الجيش◆لازم علشان مصر نضحى
- 10وندفع علشان جيشها يعيش◆إنتم عارفين معنى الجيش؟
- 11الجيش ضابط وبيتمختر◆وتموت إنت لجل يعيش
- 12كانوا بيدرسوا ف المنهج◆إن الجيش يحمى الأوطان
- 13ولو يوم باغى لبلدى يقرب◆ادوس الأرض اشعلها نيران
- 14ولما راجعت المنهج تانى◆فجأه عدوى بقى إخوانى
- 15وإن صديقى صاحب نجمة◆وإن حماس إرهاب جوانى
- 16وحط عليهم جبهة نصره◆وبرضو معاهم جيش الدولة
- 17وأى مسلم ماسك دينو◆عربى تركى أو أفغانى
- 18يعنى يا عالم مليار مسلم◆عايز يفنى العالم تانى؟!
- 19والشيخ حنا والشيخ مرقص◆حط معاهم برضو تواضروس
- 20والبابا جمعه وبابا الطيب◆حط الملا وحط القمص
- 21تطلع حاجه جميله بترقص◆الدين ضايع والشيخ بايع
- 22وثورتنا راحت ومفيش◆ورجعت تانى ف حجر شاويش
- 23اسمو مبارك اسم السيسى◆اسمو شفيق ولا إسمو مميش
- 24كل الناس تاخد حوايجها◆إلا الشعب نقول له مفيش
- 25لازم إنت يا شعب تضحى◆علشان مصر يا شعب تعيش
- 26وياللا نهتف بسم الجيش◆وياللا نهتف مصر تعيش