الوطن
محمد ابو يوسف30 بيت
- 1الوطن مش يعنى حاضر◆أو زمن ماضى وبعيد
- 2الوطن مش ضهر محنى◆أو علم عالى ونشيد
- 3الوطن يعنى الأمان◆الوطن هو الكرامة
- 4مش خيط دخان!!◆الوطن شيء مختلف غير اللي مكتوب ف الكتب
- 5الوطن مش كوم تراب ودماءبتجري ف العروق◆او شمس بتشق الفضا
- 6الوطن حب فات وحب حاضر◆وحب عايش سرمدا
- 7الوطن يعني وداد◆يعني ابراهيم
- 8يعني احمد ويعني برضو سيده◆الوطن ساميه ومنال
- 9الوطن كل العيال◆الوطن أيه غير أسامي
- 10هو طارق هوصفوت هورامي◆الوطن فايزه وتوته وبطتي
- 11الوطن ده سلطتي◆الوطن يعني حبيبه
- 12حد عارف مين حبيبه◆حب وبراءه معاها طيبه
- 13الوطن مصطفي وعبده ويوسف◆واحمد ومحمد وابراهيم
- 14عمره ما كان شيطان رجيم◆الوطن اسماء أميره
- 15الوطن هنا و ميار◆الوطن شيماء معاها اشرقت
- 16الوطن يعني روحنا اذا المخاطر أحدقت◆الوطن جني واسراء
- 17لما يضحكوا الأختين◆تضحك الدنيا ويضحكها الفضاء
- 18الوطن يعني أرضه ملك لينا والسما◆الوطن بيضحي عنا إنما
- 19ضحكوا علينا وقالوا◆لازم تضحوا للوطن
- 20ازاي يضحي منقهر◆من غير طعام
- 21من غير دوا◆من غير سكن
- 22الوطن هو اللي يحمي◆الوطن هو اللي يأوي
- 23الوطن هو اللي يدي◆الوطن هو اللي يمنح السعاده
- 24هو اللي يشعرنا السياده◆هو فقط اللي من حقه الشهاده
- 25أما أنا فشهادتي شيء مختلف◆شيء مانكتبش ف الصحف
- 26أنا انسان من حقي أعيش◆ولما احب ف يوم أموت
- 27يبقي اموت من أجل أمي ولجل أبويا◆لجل ابني لجل بنتي لجل أخويا
- 28لجل أختي لجل صاحبي◆لجل ناسنا الطيبين
- 29لجل كل المشتاقين◆المشتاقين لوطن فيه الكرامه والرخاء
- 30لجل بسمة لشيء حزين◆ولجل ناسنا الأوفياء