إرحل يا سيس
محمد ابو يوسف28 بيت
- 1مين قال يا ناس◆اللى اسمو سيس
- 2اللى ببياده ونجمتين◆ونسر قاعد جنبهم
- 3مقهور حزين◆يعزل رئيس؟!
- 4وِبِنِيّه سوده ومُشْتَاقين◆على صوتنا بالجزمه يدوس
- 5شفنا فيهم بابا طيب◆وتواضروس قس دين
- 6وحبة عيال متسلطين◆ومْحَفَظِينهم الكلام
- 7اللى يقولوه ضد الرئيس◆والسيس بيؤمر ابراهيم
- 8يحكم بلادنا بالبوليس◆وام ابراهيم
- 9ما ف مره قالت لابنها◆عيب يا ابراهيم
- 10والفاجره واللى ف سِنّها◆بتقولو دوس
- 11دوس طول ما مصر لينا فيها◆إركب يا سيس فوق ضهرنا
- 12ماحْنَا أصول الجَدْعَنَه◆بس إنت سوق الفرعنه
- 13يا مَعَاك أصول المَلْعَنَه◆أقعد كتير على قلبنا
- 14واقطع كمان الألسنه◆وِطَوِّل ف حبك عمرنا
- 15أصل الحكاية مش هنا◆ولا هيا قصة غُلْبنا
- 16الحكاية إننا◆سرقوا ضميرنا المنتخب
- 17وبَلَدْنا صِبْحِت مَقْرَدَه◆ساحة مَسَاخِر عربده
- 18وقلوب عبيد مُسْتَعْبَدَه◆وبلدنا صبحت مَرْقَدَه
- 19ولسه بنقول جدعنه◆والسيسى ساق الفرعنه
- 20إركب يا سيس على ضهرنا◆إيه يعنى لما تذلنا
- 21وتعمل حظر لأمنا◆ولو نِخَالِف لِمّنا
- 22وجوا سجنك حطنّا◆إحنا يا سيس مفوضينك
- 23وسيبنا دينّا لجْل دينك◆والنساء ملك ليمينك
- 24وعلى رأى البت شاور◆بس إنت اغمز بعينك
- 25يا عم سيس ياللى انت سِيْد◆سيد إنت لكن ع العبيد
- 26فيه أحرار جوه القيود◆عشان كده اسمع يا سيس
- 27عمرك ما هتكون يوم رئيس◆هو انت فاكرينا ياسيسى أيه؟
- 28حبة حمير حبة تيوس؟◆إرحل يا سيس