فلرس فوارسـك
محمد أسامة البهائى20 بيت
- 1قوليلى ياللى المولى حارسك◆إزاى هابقى فارس فوارسك
- 2وعايزانى يامصر منـــــك◆عايزانى أبنــــك وأكونلك
- 3من غير ماتبقى فاهمه حالك◆وعايزانى ابقى فتى أحلامـك
- 4بآمارة إيه أكون .. وابقى فارسك◆بأمارة إيه أأمن وأصدقك فى كلامك
- 5قوليلى وأنا أحلملك بأحلامك◆ومليون جن ماسك ولامســك
- 6ليه رئيسك لما يمسك◆مايبقاش عايز يسيب
- 7بطانته حفنة محاسيب◆للتقشف .. وللتعذيب
- 8فى كل حته يجيب حرامى◆وبالحصانة يفضل مآنسك
- 9وبلدوزر فارمك وهارسك◆لابس مليون قناع متلفع بالخداع
- 10يكدب ويتمادى مايخافش من ربنا◆يفرق مابيننا ويكدّب حكاية ُقربنا
- 11قوليلى أعمل إيه لماهامسك◆للغلابة المطحونين
- 12للعطاشى البردانين◆والقلوب المكسروين
- 13اللى جاعوا ومتغربين◆عطلانينك عوانسك
- 14والى كسروا القمر الــ مآنسك◆واللى حابب يعدل لك عواكسك
- 15واللى عاكس ومعكوس وعاكسك◆مابقيتش عارفك ولا دارسك
- 16وكدب فى كدب لحد مابقينا كدابين◆اللى يتخفى فيهم ورا دقن ودين
- 17واللى مستنى يشوفنا مُـعدمين◆واللى عايز يلحق له نايب ويبقى م الفايزين
- 18أمتى أنا وأنت نبقى لكل دول جاهزين◆أمتى تفتحى كفوفى وتئريلى الطالع
- 19تئرى على روحك عدية ياسين تكشفى الطامع◆بقى أنتى اللى كنتى تعرفى دبة النملة
- 20جاية النهارده ومش عارفانا رايحين فين ؟◆بأمـــارة إيه أأمن وأصدق كلامك