الله يلعنها الفلول
محمد أسامة البهائى19 بيت
- 1ماعدش فى دمى ولا نقطة م الفضول◆ونا اللى خطـايا أتبعـتر م الفلول
- 2ألم فيها ؟ ولا ألم فى روحى م الذهول◆إيه اللى باقى ع الوصول
- 3ونا أمشي لآخر الطريق◆الصعب ... العسير
- 4وإن وقعت ألقى اللى يسند فيا المسير◆لحد ماأوصل بألغازى للحلول
- 5الله يلعنـــها الفـلول◆جرح الخلايق أتداوا
- 6جرحى وجرحك ماخف◆الدمع فيـــــكى ماكف
- 7والكف ضرب على كف◆ياترى اللى جايلك هيفضل بعقله
- 8ولا هانصبح نلقــــا عقله أتهف ؟◆سؤالات مالهاش حلول
- 9الله يلعنـــــــها الفلول◆يامصر أتغزل من شالك شالى
- 10ماأملكش غير قلبى◆وفى ننى العين تتشالى
- 11تتبسمى فى وجهى تحيينى◆تتبسمى للصبح يبقى
- 12ويحط النور على جبينى◆لا أعاتبك فى ضيقه ولا تعاتبينى
- 13أسهر على راحتك وألقاكى تسابقينى◆أفهمك ونا مغمض وتفهمينى
- 14ماتخليش الجفا بينا يطول◆لأمتى هتضيع فيكى الحقوق؟
- 15ودمنــــا يتحرق فى العروق؟◆بنوأد ليه الأجنة فى البطون؟
- 16وندى الأمانة للى يعرف يخون؟◆الحقوق ماأتخلقتش للسجون
- 17الظلم ليه يطلعـــلو ألف عون◆والديابه تتـدارى فى الدقون
- 18الماعون يا مناعين الماعون◆أنا .. أنا ليا مواطنة ولا بدون
- 19
مين هيقدر ع الحلول