رباعيات
محمد أسامة البهائى18 بيت
- 1اتعلمنــــا زمان فى المدارس◆اللى يتعلم غيــر اللى يمارس
- 2النــاس اللى بـ تعيش بكرامة◆لاتسرق ولاتنهب ولا توالس
- 3الكدب فـُجر وأتحرم فى ديننــا◆لا هوا مسموح لينا ولا لغيرنا
- 4كدِبْناَ روحنا واختارنلنا رئيس◆كدب ْ وهو ولى أمرنا وكدّبنـا
- 5لو قلنــا من الدنيـــادى تعبنا◆تغضب علينــا الدنيا وتلاعبنا
- 6وممكن تبلينـــــا بحاكم تــافه◆يعيـّب علينا لو قلنــاله تعبنـا
- 7الثورة ليــــــه يرويــــــها دم◆وليه النــــــاس تعيش فى غم
- 8وشـــــباب بــــلدنا هما الأهم◆استشهدوا وفاتولنا الجرح مايتلم
- 9طلق الرصـاص فى ودانى◆ما أعرف منـيــــــن جـانى
- 10ونا شـــايل نعش الشــــهيد◆وفرد الأمن ضربنى ومــاحمانى
- 11شفت الجموع الغفير دايـــــرة◆بقلب فى وش الظلم ثايــــــرة
- 12طالبه تغيـــر وطالبــــه العدل◆مالقيت إلا الغدر والجروح فايرة
- 13أنا بأعتذر لكونى أنا المسلم◆وأعتذار نيابة عن كل مسلم
- 14آمن بـــــرب القدرة والعزة◆من أبليس اتســمى غلط مسلم .
- 15عشت اللى أحلك من الضلمة◆وشفت العدل من ناس ظالمة
- 16لاهما مســـلمين ولا موحدين◆الحق بإيديهــم ينــــور الضلمة .
- 17بأدعى رب القدرة فى ســـجودى◆يــاكل الأيـــــــام المرة ماتعودى
- 18ولا ينكسر إنســان فى بـــــلادى◆لا يشــتريه قطرى ولا ســــــعودى .