مدينة من غير قمر
مجدي نجيب40 بيت
إهداء
الحمل ياما يا مدينتي يهز شاعر كان في ندره يكون غطا
- 1ويغطي قلبك في الشتا◆وإحنا سنينّا كلها دايمًا خريف
- 2ما عاش في راسك يا مدينتي غير عرايا الفكر◆يتنفسوا بكا ..
- 3يتنزهوا فوق جبهتك في العصر ..◆ويشرنقوا اسم الكلام في كتاب ضرير
- 4ويبسموا الأحزان في قلب الفجر◆مش راح أقول كان القمر أخضر وعاشق
- 5كانت مدينتي غطته بدموع حداد◆لمّا مدينتي رشّته بالصهد و الأحزان
- 6.. كات سمّته◆نزل القمر يسأل مدينتي: ليه يا حلوه تصلبيني ليه
- 7وماتت دهشته!◆أيامها غاب القمر بالعام ما بانت ضحكته
- 8ولقوه في وش الصبح متطوّح على الجدران◆لكن في ليله مش بعيده ع اللي عاش
- 9يرسم حكايته ع الورق◆وبألف كلمه لأ بلاش ..؟!
- 10ينزف في سره حسرته◆ليله القمر غنى الحياه
- 11ميّل على أبواب مدينتي يبارك الأحلام◆لكن في قلب الفجر طاطت الأعلام
- 12كانت مدينتي في الطريق◆متنعكشه الأفكار
- 13ماعاش في راسها غير عرايا الفكر◆حدفت هدومها السودا في عيون القمر
- 14ولسه قاعده من يوميها في الطريق◆مستنظره عتابه القديم
- 15"ليه .. ليه يا حلوه تصلبيني ..؟!"◆كان القمر مات
- 16ولقوه في وش الصبح دمعه في العيون◆أدبح وتر في ضلوع مدينتي لاجل تركع للقمر
- 17و تغني ليه لحن الوداع◆نزلت مدينتي في الطريق جنيّه ليها ع الرموش مليون شراع
- 18بتوزّع الشربات.◆ولا غطّته ..
- 19غير بس ريح الصبح طير المساحيق◆ما عادش ينده المعاشيق
- 20ما عادش ينزل ع المصاطب زي فارس الحواديت◆أدبح نغم في عيون مدينتي بعدها أدبح حروفي بسن صفحه من الورق
- 21وأخرج أدوّر عن حبيبتي يا حبيبتي مركبي دايمًا◆يعطش في عز الصيف
- 22يغرق في أول شبر م الكلمات◆.. وغرقت في بحر العيون
- 23تركت حبيبتي حرفها الصامت طيور◆تنقر في سدري م الصباح حتى المسا
- 24لو كان في سدرك يا مدينتي لسه بيعيش القمر◆لو كان ما كانش الحرف يعرف أي سكه للأسى
- 25مات القمر ..◆في النهر بيشدوا المراكبيه
- 26.. بيشدوا أمواج الحداد◆ع الأرض سالت دمعة العشاق
- 27ولا عاش في قلبك يا مدينتي سندباد◆نظرة عيونك لو حتضحك .. ينقتل
- 28فاكره القمر ..؟!◆.. أهو ..؟
- 29مصلوب في قلب الهوّ◆مرمي على خد السحاب تبكي عليه كل النجوم
- 30تنبح كلاب الليل تشده من ضفايره ينكمش في النعش.◆لكن يعود صاحبي القمر!! ما يعودش ..؟!
- 31لكن يقول صاحبي القمر .. ما يقولش ..؟!◆ولقوه في عز الصبح دمعه في العيون
- 32و لقيته ..◆أنا اللي ياما .. انحنيت للنعش
- 33ونا كنت عارف إن فيه صاحبي القمر◆من بعد ما بعدت خُطايا ..
- 34وبعدت عن قلب المدينه◆شفت القمر وش ..
- 35من غير حساب الحزن غطاني ف ليالي الخوف◆.. أرتعش ..؟!
- 36يحدف هدومه في رقة النسمات◆كانت حبيبتي بعد خطوه من المدينه بتنتظر
- 37تبدر حروفها السمرا فوق أرض البلد◆عادت حبيبتي في السما ..
- 38خايف مدينتي تقتله◆دا الحمل ياما يا مدينتي يهز شاعر كان ندره يكون غطا
- 39و يغطي قلبك في الشتا◆بس اتركيلي فوق جبينك .. اتركي ليا القمر
- 40
يشرب معايا الصمت وإحنا فوق بحار الحزن