نظر عيني
مبارك الحديبي14 بيت
- 1ودعتك الله يا نظر عيني◆بأمانة اللي ما غفت عينه
- 2ما ودي تترك يديك يديني◆فرقا الحبايب يا بعدي شينه
- 3خل معي لا ولا تخليني◆دنياي بعدك ما هي بزينه
- 4فيني يا خلي ما يكفيني◆الله يصبر قلبي ويعينه
- 5حاولت اسافر يالغضي وياك◆لكن شسوي عيت ضروفي
- 6القلب يصرخ ما يبي فرقاك◆ولهفة حنيني تصرخ بجوفي
- 7والله ما اسوى انا بلياك◆اسمع كلامي وصدق حلوفي
- 8انته وعدت بترجع والقاك◆والحر دايم للوعد يوفي
- 9لو بإتصال ارجوك طمني◆وخبرني وشهي إخر علومك
- 10إوصف لي اوضاعك وعلمني◆وش لون تقضي بالسفر يومك
- 11والا برساله شوق راسلني◆واكتب لي افراحك مع همومك
- 12واذا نويت ترد خبرني◆ابا احتفل يا خلي بقدومك
- 13الموت في بعدك يناجيني◆والعمر بعدك يكره سنينه
- 14لجل المشاعر خلك بعيني◆وانسى السفر لا عادت سنينه