البارحه
مبارك الحديبي8 بيت
- 1البارحه بين واعي و غافي◆طار الكرى عن عيوني الشقيّه
- 2شوق الهوى شب ماكان طافي◆و نار الهوى الله ياهي قويّه
- 3خلي هجر و صادف الحظ جافي◆و إيدي ترى ما تطول الثريّا
- 4أنا اعترف قلبي ولهان و شافي◆صبري قضى بين روحه و جيّه ..
- 5بعد الصبر بعد ماكان خافي◆خلي يغيب وانا كله اتريّى~ ..
- 6قلبي اشتقى و ما لقى له انصافي◆و اللي جرى فيني ماهو شويّه
- 7اللي جرى يا هوى فيني كافي◆عمري قضى بين شمسه و فيّه ..
- 8حتى السما بعد ماكان صافي◆غيم الشقى فجأه خيم عليّه ..