همس المحبة
مانع بن سعيد العتيبه14 بيت
- 1همس المحبه عند سيد المحابيب◆تهدي زوايا الحب أنس ومسره
- 2همس معاه الوقت وقلوبنا تطيب◆باحساسنا انحلق حوالي المجره
- 3ريف العذارى فيه نفحه من الطيب◆يدمن عليه الصب لي شم مره
- 4ومنادم الاحباب ما داخله عيب◆ساعة صفا والحاقد ايموت حره
- 5الا الحبيب اللي لزيم المواجيب◆لي صار ما بين الحنايا مقره
- 6الطيب الغالي وسيد الغراشيب◆ورد المحبه في مداري يذره
- 7نوره كأن الشمس من قبل لمغيب◆والا قمر والداج خلفه يجره
- 8يمشي وساقه مثلما نزغة الحيب◆يخضر قاع ان تخطر ومره
- 9كيف اوصفه ووصفه فنون وتعجيب◆بين اللآلي يحسب الزين دره
- 10من عينه النعسا ترى العاشق ايشيب◆وممكن على العاقل تسبب مضره
- 11غالي ورد في اليوف عذب المشاريب◆صار الوحيد اللي بحبي أبره
- 12راس الامل والحلم واغلى المطاليب◆اللي فوادي بلسم الحب غره
- 13كل ما فتح عينه ثنيت الترحيب◆وزاد المحبه في فوادي أشره
- 14الحب له تقدير عندي وترتيب◆نزيه خالي من عتاب وتشره