غرامك غير
مانع بن سعيد العتيبه13 بيت
- 1غرامك غير وحبك غير◆وحسنك فن فوق الفن
- 2وانا اللي في قفصك آسير◆اصوغ الحان لك وآفن
- 3تعال وياك خلنا انطير◆لا إنس ابعيد وإلا جن
- 4اسير لوين تبغي تسير◆وناخذ مالبدر مسكن
- 5خطير والا اظنّي يصير◆عليّه الحرب دوم اتشن
- 6وانا قلبي شرات الطير◆بعّش افوادك امأمن
- 7حبيبٍ غير في التفكير◆كريمٍ وان عطى بلا مَن
- 8تراها الخود منك اتغير◆وقدام الملا تعلن
- 9بأنه لك جمال ايثير◆محال تجود به الازمن
- 10عاروحي دوم لك تأثير◆تشرِّع في الهوى وتسن
- 11فلو تطلب حليب الطير◆اجيبه لك وانا ممتن
- 12اخذت العز والتقدير◆فَخَلِّك دوم متـطمّن
- 13حبيبي انت روحك غير◆غديت السلو لي والمن