الغزال
مانع بن سعيد العتيبه10 بيت
- 1الغزال الي نهب قلبي يا ليت◆رد قلبي في محله يوم راح
- 2قمت أصوغ الشعر لجله بيت بيت◆و لا استرحت من الغرام و لا استراح
- 3لاح برقه في عيوني واعتنيت◆من خدوده يوم برق الحب لاح
- 4نوح قلبي كل ما أصبحت و مسيت◆مثل نوح الطير لي ع الغصن ناح
- 5لو سقاني نهر حبه ما ارتويت◆ضاميً من شربة الحِب القَراح
- 6كم على شانه من المشرق سريت◆و كم على شانه تحاليت المراح
- 7و كم على شانه تعنيت و عنيت◆كل خطوه صوبه اشراقة صباح
- 8فيه احلى ابيوت شعري قد بنيت◆و له مدينه فالحشاء سيد الملاح
- 9ابتديته فالمحبه و ما انتهيت◆و معه احس القلب دايم ف انشراح
- 10صافي بحبه و انا بحبي صفيت◆ممتلكني بالعشق صبح و رواح